夏天最期待嘅 Suntory「The PREMIUM MALT‘S HOUSE 神泡體驗館」再度回歸，限定登陸中環街市！

今年特設神泡試飲吧，由三得利啤酒品質鑑定師親身傳授大師級斟酒技藝，示範斟出 7:3 黃金比例嘅神泡啤酒，由洗杯到斟酒過程都極之講究！最重要當然係可以喺經典金裝啤酒、黑啤同愛爾啤酒入面揀1款嚟試飲，親身體驗神泡魅力！

喺3大展區入面，除咗可以試食稀有鑽石麥芽、聞下歐洲濃香啤酒花，仲可以沉浸式感受日本優質天然水嘅純粹，全方位了解釀造哲學！另外，試飲吧內設有佐酒美食圖卡教大家做完美配搭，感受1場震撼多重感官嘅「神泡」盛宴！

參加週末限定「神泡導賞團」並完成問卷，即可拎走香港未公開發售嘅 Master’s Dream 奢華啤酒禮盒；每週末首 30 位完成指定任務嘅參加者，仲可以獲得額外精美禮品套裝！

提提你，今年星期一至五都有導賞員駐場，經過嘅朋友不妨嚟玩下~不過如果想拎禮物，就記得要嚟週末嘅「神泡導賞團」啦！

「The PREMIUM MALT‘S HOUSE」神泡體驗館2026
日期：即日起至8月23日
時間：中午12時至下午8時
地址：中環街市 1/F Event

「THE PREMIUM MALT’S HOUSE」週末限定「神泡導賞團」
日期：8月15、16、22及23日（星期六及日）
時間：中午12時至下午9時（每節 1小時，最後時段為 8:00pm）
地址：中環街市 1/F Event Space
*週末導賞團網上登記已滿，現場尚有少量Walk in名額，額滿即止！