🦪呢次去咗中環「喜多嬉牡蠣屋」嘆「1.5小時生蠔燒蠔放題」($498/每位），任食日本喜多嬉直送新鮮生蠔🤤 真係超級滿足呀！最爽係肥美嘅蠔，想點幾多Round都得🤤如果個胃夠大～ 首先來了一客九品前菜～9分前菜放入木製正方架入面，賣相精緻，令人賞心悅目💗入面有燒活白鰻丶天婦羅秋葵丶喜多嬉牡蠣茶漬飯丶天婦羅紫蘇葉吞拿魚蓉等等。 幾款前菜都好唔錯，其實我好鍾意天婦羅紫蘇葉吞拿魚蓉💗紫蘇酥脆十足，配以軟綿香滑嘅吞拿魚蓉，好有口感！ 而放題美食用手機📱QR code落單～包括有牡蠣刺身丶燒牡蠣丶燒帆立貝丶多款串燒丶牡蠣烏冬丶牡蠣茶漬飯同埋各款飲品。 🦪牡蠣刺身💗肥美嘅新鮮日本生蠔上面有土佐酢啫喱丶蔥花丶蘿蔔蓉，帶出蠔嘅鮮味，入口爽嫩啖啖肉。🤤 🦪燒牡蠣～火喉燒得恰恰好，燒蠔鮮味十足，配以三款醬汁，包括蒜蓉丶XO醬丶孜然醬，可以自行添加～另外仲有燒帆立貝，厚肉又彈牙。 烏冬意想不到的好吃！前後點左兩轉😝幼細嘅烏冬入口滑溜，湯底濃郁充滿蠔嘅香氣，而茶漬飯都正🦪啖啖蠔香濃郁鮮味！ 而串燒都係即燒🤤選擇有大約10款，羊肉串燒完之後肉質鮮嫩多汁，羊香滿滿！另外仲點咗味醂魚乾丶燒豬頸肉丶燒秋葵丶燒墨魚仔串等等。1.5小時～時間都好充裕，落單之後好快就嚟到，食得好滿足。 📍喜多嬉牡蠣屋 @kitaki.kaki 地址：中環擺花街1-7號一號廣場地下9號舖 #社群時間囊