現場DJ打碟•美式音樂餐廳

呢間美式餐廳係以音樂同笑哈哈做主，現場仲有DJ打碟💿，玩味性好夠，個feel真係好正🤪 我地叫左個二人Dinner Set $738 ⭐️老海灣粟米周打湯 ⭐️凱撒沙律 ⭐️海鮮拼盤(+$188) 海鮮拼盤揀左蒜蓉牛油味，擺上枱O咀之餘，直頭覺得加左$188係抵添呀！ 拼盤有蝦，蜆，青口，八爪魚仔，鮑魚，蟹，腸仔及薯仔～ 除左真係抵食外，其實味道都唔錯，味道唔會太濃，仍然保留有海鮮嘅味道😋 ⭐️煎三文魚配酸辣龍舌蘭忌廉汁 三文魚好大舊，配埋個酸辣龍舌蘭忌廉汁口味好特別，酸酸甜甜又好fresh，減低油膩感~ ⭐️燒美國頂級肉眼牛扒12oz (+$228) 我地叫左5成熟，真係唔係間間餐廳做得到，通常都會太熟～但呢間餐廳做到我地嘅要求！！！ 牛扒切開pink pink的，好juicy😋😋 就咁加鹽食又得，配埋sauce食又得，味道都咁正！ ⭐️芝士蛋糕 淡淡芝士味，入口即溶 ⭐️焦糖燉蛋 焦糖燉蛋好嫩滑，而且份量算多～ ⭐️Fresh Cucumber Ale 成杯都係好fresh嘅青瓜味，完全一解油膩感～ ⭐️Blueberry Mojito 跟一般mojito不同，用了藍莓汁，令顏色十分吸引，但又唔會失去原本mojito嘅風味～ 我幾欣賞呢間餐廳嘅服務，上菜唔會一次過上哂，真係會食完一道先上另一道菜~ 重點係每一道菜都會跟一套乾淨嘅刀叉同埋換碟，唔會令上一道菜嘅醬汁影響下一道菜嘅味道～ 呢樣真心值得讚👍👍👍👍👍 📍The Musicbox Grill House & Bar 銅鑼灣駱克道459-461號The L. Square 8樓 #全民打卡企劃 #香港美食 #相機食先 #foodie #Chill住食 #foodbloggerhk #聚會好去處 #西餐 #打卡美食 #銅鑼灣美食 #銅鑼灣