日本直送生蠔放題 回本無難度

1️⃣想食到日本新鮮直送生蠔2️⃣但係又唔想太貴3️⃣最好就係吃到飽🈵️呢三個願望可以成真🤩 $538生蠔2小時放題 除咗生蠔及焗蠔任食之外，仲有串燒、炸物、小食及飲品都係任叫任食， 另外仲有精緻嘅時令海鮮湯、懷石八品、牡蠣茶漬飯/手廷烏冬及甜品各一份 🥣首先上咗個好精緻用茶壺🫖盛載嘅時令海鮮湯，裏面有蝦及蜆，湯頭鹹香鮮甜 ⛩️時令懷石八品 感覺自己好似响日本溫泉酒店食緊懷石料理一樣， 非常精緻，八品有蕃茄漬、青瓜蟹鉗、時令刺身、穴子串、雞肉棒蘿蔔、明太子薯蓉、牛油果吞拿魚蓉及柑桔柚子羊羹；款款都好好味，如果硬要揀最好味首兩名，我哋會比較喜歡穴子串及柑桔柚子羊羹，前者爽彈甜香，後者清新爽口，而且裏面仲有好多蟹肉 🔄🦪期待嘅任食生蠔環節 生蠔有柚子啫哩、辣椒蘿蔔蓉、蔥花、昆布漬、雞尾酒及原味，我哋當然唔蝕樣樣叫齊，試下邊款正喇，第一隻梗係食原味，咁先試到真正原味道， 呢種蠔係位於日本岡山北木島所出產，非常新鮮，蠔味鮮甜，略帶海水鹹味並帶有礦物味，我哋最鍾意原味及辣椒蘿蔔蓉 🔄🦪任食焗蠔 有清酒煮、蒜味、辣蒜、麻辣、芝士及冬陰功，焗到微微收水，蠔肉味道更為突出；蒜味、辣蒜及芝士都係我哋杯茶，夠哂惹味 🔄🍡任食串燒 有成14款，叫咗羊肉、雞心、秋葵及大蔥車厘茄串，串燒好少食蔬菜，原來燒秋葵及大蔥車厘係好好食㗎，juicy 又清甜 🔄🍤任食小食及炸物 有8款，叫咗芝麻雞翼、牛肉他他、吉列炸蠔及枝豆，雞翼超正外脆內juicy 🍜牡蠣茶漬飯/手廷烏冬 食到咁上下，係時候食澱粉類，我哋當然各要一份；茶漬飯清爽，烏冬軟滑，湯裏面仲有好多蠔 🔄🍹任飲飲品 有梳打、汽水、冷泡茶及熱飲共16款，我哋都飲咗幾杯，生蠔配冷泡茶，炸物串燒配梳打，甜品配熱檸茶 🍰甜品 柚子芝士蛋糕，少甜清爽，有柚子香味，好完滿嘅結尾 呢間牡蠣屋嘅環境開揚闊落，座位間距寬闊坐得舒服 想回本絕對無難度😝…有精緻八品懷石料理及生蠔焗蠔任食👍 📍喜多嬉牡蠣屋 中環些利街2-4號LL Tower3樓 #放題 #懷石料理 #中環美食 #日本直送 #生蠔放題 #喜多嬉牡蠣屋 #北木島喜多嬉牡蠣屋 (此文章由U Blog 同步發佈至社群)