員工晚宴自助餐

今晚食員工晚宴自助餐。公司選址去香港逸東酒店地舖個間普慶餐廳。我個人第一次去呢間食自助餐。重要係地庫。一入到去，好似去咗泰國或馬來亞夜巿。因為燈光主色調為橙紅及黃。有種蘭桂坊酒吧街感覺。星期一至四晚餐，成人$648，小童長者$478。依家好多自助餐廳，只要出示樂悠咭，就可以享用長者優惠。 單單看個Buffet Line，美食檔放置在不同區域餐桌。即不是單一條 Buffet Line。而是放置成 Food Court。依地理環境，個人認為前身係美食廣場。美食區有分酒吧、海鮮、中式、西式、泰式、印式、港式、日式、素食及甜品。 我個人食自助餐，都要遵守三大原則： 不要拿過多美食，浪費食物。 每次拿一個國藉美食。食出該國美食原味。 食自助餐前不要進食，以免自己吃不下自助餐美食。 飲品方面，我個人係酒吧區點咗楊枝甘露。有芒果味帶點蘋果味。 第一碟冷盤。我個人揀咗手撕雞、泰式無骨鳳爪及腐竹海帶。手撕雞肉質香滑。無骨鳳爪及腐竹海帶入口清新。夏天第一道菜係凍食有開胃感覺。 第二碟全海鮮。我個人因為腸胃好敏感，不宜食生蠔。但餐廳無熟蠔。只好同師父講不要生蠔。全盤海鮮用冰鎮上。食落好清涼。鮮蝦肉質肥美。長腳蟹肉帶甜。全部海鮮屬上等食材。 第三道係靚湯上場。杏汁豬肺湯加蕃茄湯。豬肺湯清甜帶好重杏仁味。飲落好暖身。蕃茄湯個湯底太厚、太濃。麻麻地好飲。 第四碟係日式熟食。我個人揀咗天婦羅、烤東菇、串燒雞翼、炸蝦餅。天婦羅即炸即食。全部炸物金黃色。單睇賣相滿份。烤東菇好鮮甜。串燒雞翼及炸蝦餅肉質美味。 第五碟中式。個美食檔係遼東燒味。燒味檔有油雞、燒肉、東星班、炸魷魚球。燒肉全部混入醬汁。食落滋味無窮。東星班肉質美味。炸魷魚球入口香脆。個個同事都讚個燒味檔最好。 第六碟龍蝦。我只點咗半隻。好大隻。龍蝦肉好彈牙。肉質鮮嫩。但個人唔建議食一隻，因為好易飽肚。 第七碟係水蟹粥。個人加入炸油條及花生。混入澳門街最有名既水蟹粥。有蟹肉味又有花生油條味道。多重美味。 第八碟係東南亞美食。我個人點咗印度薄餅加泰式炸魚餅。兩者都係帶有異國風情味。 第九碟係雪糕。我自取 pancake，再要求師父抽奬式替我加兩款雪糕球。自已再DIY。熱食 pancake 混加凍食雪糕。又要親熱食又要親凍食。一凍一熱，口感好特別。朱古力及士多啤梨味雪糕都好好味。 第十碟係甜品。我揀咗水果、果凍及蛋糕。水果好新鮮。果凍及蛋糕好精緻。睇得出個廚師功力好深。 女職員Claudia 好細心，負責拿手機影大合照。 #美食 #生蠔 #放題 #自助餐 #Eaton Hotel #逸東酒店 #香港逸東酒店 #原少風 #普慶餐廳 #The Astor #Buffet (此文章由U Blog 同步發佈至社群)