法澳Fusion扒房！份量十足安格斯肉眼扒

#MC帶你去尖沙咀 . 位於服務式住宅大廈內嘅「The Grill Room」，喺銅鑼灣同尖沙咀都有分店，成日都見人post📑，而且長期喺OpenRice熱門餐廳榜上有名🏆，今次襯住朋友生日就一於試下😜。 . ✨ The Grill Room 結合法國同埋澳洲兩地菜式嘅扒房西餐廳，賣相同埋用料都非常講究，以炭燒食物為主打。 . 🥢 法式生牛肉他他伴鵪鶉蛋 $128 香脆法包上已經有調配好嘅生牛肉他他，口感軟滑😋，細嫩嘅肉質配以生鵪鶉蛋黃🍳，生牛肉更顯鮮味👍🏻。 . 🥢 黑松露薯條 $68 薯條即叫即炸🍟，上枱時仲熱辣辣，黑松露喺薯條表面，食落香脆又黑松露香🤤。 . 🥢 鐵板燒汁烤吞拿魚扒配蒜蓉銀魚椰菜花 $238 吞拿魚扒呈粉嫩色😍，而且厚肉，網燒坑紋賣相吸引。吞拿魚扒食落軟腍，味道唔錯❗️椰菜花就新鮮爽口，吸收到少少吞拿魚嘅香味，香口惹味☺️。 . 🥢 香煎北海道帶子龍蝦汁扁意粉配三文魚籽 $218 三大粒帶子，肉質肥美之餘，煎香咗兩面，保留了鮮甜嘅肉汁🤩。扁意粉吸收曬龍蝦汁，Creamy又香濃，配埋三文魚籽🫧一齊食，口感好豐富😋 . 🥢 燒美國安格斯肉眼扒配黑松露薯蓉 $468 16安士嘅肉眼扒，份量十足‼️而且網燒坑紋賣相吸睛🥰。肉質幼滑帶少少牛脂肪嘅油脂香，食落又夠Juicy帶少少炭燒香味😜，就咁食已經好好食！或者可以蘸埋黑椒汁/青草汁，更牛肉嘅味道更突出更濃郁👍🏻。另外，旁邊有一小盤黑松露薯蓉，口感非常綿滑，十分推薦！ . ⭐整體︰8.0/10 ⭐食物︰8.5/10 ⭐環境︰8.0/10 ⭐價錢︰7.5/10 . 📍 The Grill Room (The Humphreys) 地址：尖沙咀堪富利士道6-6A號爵寓2樓 交通︰港鐵尖沙咀/尖東站 A2 出口 . #Ming_Course #hkfoodie #foodiehk #hkfood #週末好去處 #拍拖好去處 #情侶好去處 #香港小店 #油尖旺區美食 #尖沙咀美食 #尖沙咀一日遊 #尖沙咀好去處 #香港美食 #香港美食打卡 #香港美食攻略 #香港探店 #本地遊 #香港一日遊 #香港好去處 #尖沙咀 #馬祖 #尖沙咀西餐 #thegrillroom#全民打卡企劃#秋日推介