尖沙咀樓上高質扒房

The Grill Room係尖沙咀幾有名氣，係間樓上專門提供燒烤扒類嘅餐廳，環境有情調有氣氛，給人舒適嘅用餐環境 🔸忌廉牛油蒜蓉雜菌 $58 雜菌口感creamy，件件蘑菇沾滿忌廉牛油汁，鍾意飲蘑菇湯嘅朋友一定好鍾意，仲有附上兩件脆卜卜嘅厚多士，可以點住食 🔸香煎北海道帶子龍蝦汁扁意粉 $218 賣相精緻，帶子大大粒煎至金黃酥脆，口感鮮嫩多汁！扁意粉煮得剛好且帶有蛋香味，伴上濃郁龍蝦汁同三文魚籽，味道豐富帶鮮甜，用料滿分 🔸葡式香辣燒春雞配黑松露薯條沙律 $238 呢份建議要同人share食，份量超級大份，足足有成隻春雞！春雞外皮烤得好香脆，肉質嫩滑又juicy，驚喜地連雞胸位置都唔鞋，沾上葡式香辣醬辣辣地幾惹味！此外仲有黑松露薯條同沙律菜，份量真係好驚人 🔸Tropical Punch $68 味道酸酸甜甜，帶有果香味，賣相好靚又開胃 🍴The Grill Room @thegrillroomhk 📍尖沙咀堪富利士道6-6A號爵寓2樓 #食勻全世界#thegrillroom#香港美食#OK即刻有