【台灣原味道🧋】 6點前要食飯，4點45分就去排定隊，人數都唔少，好彩等咗10分鐘左右就入座。銅鑼灣分店裝修幾特別，大部分位置都係卡位形式，背面有屏風間隔，所以每張枱都較為獨立。 食物及飲品種類都算多，正餐有刀削麵、米粉、米飯選擇，另外亦有多款小食及甜點。落單後等咗大約15分鐘餐點就嚟齊哂，時間合理。堂食已經截單，好多人都排隊買外賣及飲品，可見哩間餐廳人氣好高💪🏻 ✨酥炸豬排配他他醬便當 $86 便當除咗豬排之外亦有唔少蔬菜及菇菌，另外亦有一碗貢丸湯，成set好豐富👍🏻 豬排炸到外脆內軟，表層炸粉薄，肉質夠腍，配埋他他醬酸酸地夠開胃，食肉都唔會覺得好膩😋 珍珠米粒粒分明，有咬口😍 唯一美中不足係滷蛋有啲乾，蛋白表乾到有啲硬硬地。 ✨豬手魯肉便當 $96 魯肉撈飯果然係絕配，肉粒入味又腍，加埋少少香菇粒更香👍🏻 豬手炆得入味又好腍，豬皮入口即溶，食完嘴邊癡笠笠，一食就知充滿骨膠原🤤 ✨珍珠奶茶 $34 一杯普通嘅珍珠奶茶就可以試出真味道，奶同茶配搭得剛好，比例亦合適，珍珠嘅質感唔太腍或太硬，有咬口👍🏻 ✨鐵觀音奶茶 $33 平時買台飲鐵觀音係我必點之一，今次就試吓哩間如何。茶味香濃，與奶嘅比例剛剛好，叫少甜味道果然合適，唔會俾甜度蓋過茶香及奶滑😋 🔍整體感覺：便當份量夠多，而且肉同蔬菜比例合適，營養均衡👍🏻 豬手同豬排都做得好好，米飯都好出色。飲品嘅表現亦相當出色，奶茶香滑濃郁😋 食物同飲品質素都幾好，值得再試！ ─ ─ ─ ─ ─ ─ ─ ─ ─ ─ ─ ─ 美味：🍩🍩🍩🍩 環境：🍩🍩🍩🍩 服務：🍩🍩🍩🍩 價錢：🍩🍩🍩🍩 推介：⭐️⭐️⭐️⭐️ 📍春水堂 (希慎廣場) (銅鑼灣) 銅鑼灣軒尼斯道500號希慎廣場3樓317-319號舖