深圳南頭古城🏯 食玩買攻略🛍️🍜🪁免費入場！附交通教學🚗

南頭古城有多個出入口，大街小巷都佈滿小店，今日想分享一條有得食有得打卡嘅路線比大家，咁就唔使驚唔知點玩啦🛍️🥗🍨！ 1️⃣ 別處咖啡 鍾意去café打卡一定唔可以錯過☕️！係一間有露台嘅cafe，露台有好多植物🌳，所以唔同季節望出去會有唔同景象🌸🍁，驚曬嘅話可以選擇坐樓下嘅位置，一樣好chill。 2️⃣ Finger手指製作 一間售賣可愛小物件嘅雜貨店，餐具、掛件、貼紙、明信片等等應有盡有。內裡係溫馨嘅暖色燈光同木製裝修，仲有好多可愛嘅小擺件🎐，唔購物都可以影到好日系嘅相。 3️⃣ COCKTAIL JOJO 潮人必去！入面有多款嘅原創帽，而且每週都會上新，每次去都會有煥然一新嘅感覺，不過每頂帽嘅數量都有限，見到啱心水就唔好考慮咁耐啦！👒 4️⃣ 超級黑膠工廠 店裡面會有周杰倫嘅專輯牆，集合了周董出道到依家嘅所有專輯💿🪩，Jay嘅fans快啲嚟打卡📸！如果行到攰嘅話可以入去聽番首歌，打下卡再繼續下一站。 5️⃣ B”PETS 有養毛孩子嘅朋友嚟到一定好開心🐱🐶，裏面有玩具、寵物窩、零食、其他用品一應俱全。 6️⃣ 樓上 植院餐廳 行到餓一定要嚟呢間餐廳，入面超有氣氛，會有置身於花園食飯嘅感覺🌴🌵🪵，有室內同室外嘅座位，室外仲有電影播放。好適合同另一半一齊嚟撐檯腳。 7️⃣ 彬媽糖水 食完飯梗係要餵埋另一個胃，呢間糖水舖每日只售5款甜品🍦🍧🍮，每日嘅餐牌都會唔一樣，價錢會由十幾蚊到三十蚊不等。裏面裝潢好復古、舒服，坐低傾下計就可以心滿意足番屋企啦。 🚗交通：地鐵12號線去到中山公園站D出口步行幾百米 🌟開放時間 ： 全日開放 🎟️門票：免費入場‼️ 快啲嚟感受古城同社區交匯嘅魅力啦！ 圖片來源：南頭古城官方小紅書帳號、別處咖啡官方小紅書帳號、Fingershop官方小紅書帳號、B''PET官方小紅書帳號、彬媽糖水大眾點評帳號、樓上 植院餐廳大眾點評帳號   #攻略#深圳攻略#深圳好去處#深圳探店#深圳一日遊#深圳美食#深圳cafe推介#南頭古城#深圳#新安古城