玩轉三層樓嘅室內大型Playhouse|玩足一日x超放電

今次再北上玩，都係去咗室內嘅兒童遊樂場玩！真心誇張，足足有三層，三層都有唔同嘅玩樂專區同設施，有動又有靜，不論係男孩、女孩都會好鍾意，入面仲有埋餐廳、洗手間，真係玩足一日都得呀！ 我哋今次都係去咗meland玩，今次係Meland Club即係佢哋嘅旗艦店，所以比起我上一次介紹嘅分店更加之大，呢到足足有6千平方米！家長們要做定心理準備，保持好體力、逗留喺playhouse差唔多一日嘅心先出發呀(哈)! 入面有好多嘢玩，大型迷宮陣、滑梯、三層樓高水管滑梯、大型波波池海、玩水STEM區、木砂池、籃球投籃區、仿真超市區、仿真廚房區、仿真獸醫醫生區、兩三層高攀石、騎馬仔機、小小工程師區、角色扮演服、積木牆、圖書區、公主化妝區(付費)等。 當日我哋係假日去，人流都比較多。 除咗玩樂設施，仲有不同嘅節目會於舞台進行。節目都好精彩，例如: 科學實驗Show為小朋友介紹空氣炮、魔術表演等。 餐廳部分，座位都係自行安排，點餐只需掃碼點餐。職員稍後就會送上食物，至於餐具的話，可於餐廳內自取。價錢都合理，食物質素都唔錯。 餐廳入面仲有小朋友放電、走動空間，真係每一個空間，都能放電呀！ 進入遊樂場前，記得穿著防滑襪，如沒有防滑襪場地都能即時購買。同時入場前，可以使用免費儲物櫃存放行李。我建議㩦帶小朋友水樽入場，方便隨時飲水補充。如果水已飲完，餐廳入面有提供免費水機，可以自行添水。 同時要注意嘅係，入場後只能離場15分鐘。 MELAND CLUB（壹方城店）網上優惠低至$311起(1大1小) https://hk.trip.com/travel-guide/attraction/shenzhen/city-133541564?Allianceid=3877272&SID=22746045 Meland Club (壹方城店) 地址：新湖路00號寶安壹方城購物中心3樓007-008號店 營業時間：週二至週日 10:00 – 21:00、週一 10:00 – 20:00 前往方法：深圳地鐵1號線寶安中心站F出口 記得關注我哋，留意最新玩樂景點呀~ ============================ 記得Like & Follow我哋Facebook同IG呀 http://www.facebook.com/80smami/ http://www.instagram.com/wagyubmami/ #深圳打卡#北上親子遊#Meland#北上親子