超放電室內運動遊樂場 | 168元起體驗50+遊戲項目

場內集合保齡球、溜冰場、卡丁車、碰碰車、彈床、飛索、籃球場、射擊遊戲、射箭、桌球等，超過50+遊戲項目。 佔地有成1萬平方呎，想玩齊晒所有項目，真係要一早就嚟玩啦~ 門票設有2.5小時體驗、全日票亦有。 我哋就選擇咗全日任玩門票，帶上手帶就可以全日自由進出遊樂場。 完成購票，進場前需要先處理保險問題。 用WeChat掃碼，輸入資料需要入場者姓名、電話、證件號碼、出生日期等資料。 入場後，馬上掃碼免費使用儲物櫃，將個人隨身物品都鎖於櫃中。亦可以中途提取物件，所以我哋嘅所有物品，包括小朋友水樽都鎖於櫃入面，需要就過嚟開櫃拿取。 另外，場內部份遊戲都需要穿著防滑襪才可以體驗。 如果冇防滑襪都可以於場內購買，每對RMB 10。 <溜冰區> 呢到仲有真雪嘅溜冰場，入場費已包齊溜冰鞋、保護裝備。小朋友需要配戴頭盔，另外小朋友鞋碼最細係28碼，所以較年幼小朋友就未能體驗呢個遊戲項目了。 如果需要輔助工具，可向職員查詢，每次租用費為RMB20。 <保齡球區> 進入保齡球區前，需要到前台向職員取專用鞋。而保齡球區沒有小朋友鞋，所以只需要除鞋，並穿著防滑襪就可以進場體驗。 區內亦有提供兒童用的輔助工具，進行遊戲。 <卡丁車> 絕對係必玩項目呀!! 而場地都非常窩心，大人跟小朋友係分開進行遊戲。而且都非常有速度感，好好玩呀! 仲係呢度最受歡迎嘅項目之一，所以輪候時間比較長。 <碰碰車> 都係必玩項目，經常都大排長龍呀!! 高空滑軌，見到都覺得好刺激! 但係體驗者需要有1.4米身高先可以玩。 翹曲滑梯，呢個設施真係超刺激!! 夠膽真係要試一試呀~ 仲有需要團隊合作嘅遊戲「Counter Strike」，入面係一個夜光迷宮，喺出面睇住和牛B、朋友及爸爸一齊玩，都睇到好緊張呀!! 而每節遊戲時間為10分鐘。 妹妹最鍾意玩嘅就係彈床區，超級放電，同埋好適合細嘅小朋友玩。另外仲有一個小型迷宮陣，入面有個細細波波池。 兒童版嘅飛索，都係好受歡迎嘅遊戲。 場內有洗手間，如果唔想離場，遊樂場入面亦有輕食餐吧。 收費: 單人(全日) 周內RMB 268 周末RMB 298 單人(2.5小時) 周內168 周末RMB 198 親子一大一小(全日) 周內RMB 368 周末RMB 398 親子一大一小(2.5小時) 周內RMB 268 周末RMB 298 前往方法: 搭乘深圳地鐵10號線前往木古站B出口步行約15分鐘/ 華南城站C出口步行約10分鐘。 【龍崗萬達廣場Party Day】 地址: 深圳市龍崗區平湖街道華南二道萬達廣場6F-A舖 營業時間: 10am. – 11pm. 記得關注我哋，留意最新玩樂景點呀~ #深圳攻略#深圳打卡#深圳親子遊#北上親子遊#Partyday