🤭一餐飯滿足你兩個願望

貪心嘅我成日都想一餐飯咩都有，今日朋友帶咗我去尖沙咀H Centre食嘢，原來地鐵站一出就到入面裝修都好靚🌟最驚喜嘅係一餐有晒我最鍾意嘅天婦羅同壽喜燒🥳 *天婦羅壽喜燒餐$1188pp* *前菜三品* 沖繩縣水雲配酸汁清新、白蘆筍配蛋黃醋爽口、青瓜絲京蔥絲配鴨胸加上少少豉油最濃味應該要最後先食。 *薰物* 螢光魷魚柚子皮蒸蛋好特別，螢光魷魚充滿海鮮味加埋嫩滑嘅蒸蛋好好食。 *天婦羅海鮮三品｜日本野菜兩品* 天婦羅全部即刻炸，皮脆而且薄，產品生熟到亦都控制得好，超級考師傅嘅功夫。 🍤海老天婦羅 -海老非常彈牙，輕輕點少少玫瑰鹽已經夠好食。 🍀山形縣產嘅獨子蒜 -獨子蒜好清新嘅香蒜味，點天婦羅汁超級香脆好食。 ✨北海道產真鯛白子 -咬落去即刻feel到好creamy，加玫瑰鹽少少調味已經夠。 🦪兵庫縣炸蠔 -配上紫菜用手食，非常juicy。 🫧手工番薯波 -師傅手工用咗三種番薯去整嘅番薯波，香甜軟糯。 *壽喜燒* 今次食嘅壽喜燒係關東風，即係將肉放湯煮。壽喜燒汁味道調校得啱啱好，唔會太鹹搶咗啲肉嘅味道。 🌟北海道十勝產嘅A4和牛西冷 -和牛油脂分布平均，每一啖都食到牛肉同埋油脂香。 💫美國安格斯肉眼 -油脂會比較少，但係肉香依然濃郁。 ⭐️西班牙豚肩肉 -用壽喜燒嘅方法煮豚肉都非常入味好食。 🌸北海道櫻姬雞肉 -一啲都唔鞋口，夠嫩滑。 🥬日本野菜 -有兵庫縣嘅洋蔥、豆腐，椰菜等等。 食完之後食返一個文甲清湯，清一清味蕾。之後再食埋師傅自家製嘅黑糖蕨餅煙煙韌韌，就完結滿足嘅一餐。 靚景指數：💛💛💛💛💛 好食指數：💛💛💛💛💛💛 抵食指數：💛💛💛💛 @kappoumu  📍炑 地址: 尖沙咀中間道15號H Zentre UG樓1-3號舖 #hk#foodporn#foodstagram#hkfood#hkfoodie#foodiehk#hkgirlstyle#hkig#hkigers#hkfoodieblogger#hkfoodies#hkfoodielife#hkfoodig#hkeats#topcitybiteshk#食評#香港食評#香港美食#香港好去處#香港#食好西#銅鑼灣美食#銅鑼灣#germgerm識食銅鑼灣#germgerm識食#天婦羅#壽喜燒#sukiyaki #銅鑼灣 #香港 #食評 #壽喜燒 #銅鑼灣美食 #hkig #香港好去處 #天婦羅 #香港美食 #hkfood #foodporn #hkfoodie #foodstagram #hkfoodies #食好西 #香港食評 #hkfoodig #hkfoodieblogger #foodiehk #hkigers #hkeats #hk #topcitybiteshk #hkgirlstyle #hkfoodielife #sukiyaki #germgerm識食 #germgerm識食銅鑼灣 (此文章由U Blog 同步發佈至社群)