少女心cafe都有新年菜！

之前同朋友都會間中去espuma食野，食物水準有保障。最近先知原來佢地喺沙田有間咁少女心嘅粉紅色cafe💕 🦀️酥炸軟殼蟹菠菜汁珍珠麵$138 - 軟殼蟹原隻上，大大隻炸到超脆。下面嘅珍珠麵粒粒分明，食落去幾煙韌，creamy texture醬料撈上菠菜、番茄、菇粒粒，味道唔錯。 🧧富貴有餘$208 - 因為農曆新年嘅關係，餐廳出左幾款農曆新年限定款式，「富貴有餘」係紙包雜錦海鮮伴靈芝菇紅花龍蝦汁，入面都超多海鮮！ - 入面幾隻青口都大大隻，粒粒肥美新鮮。另外仲有厚厚嘅三文魚肉，肉質嫩香juicy。而虎蝦同樣大大隻，肉質彈口，幾鮮甜。 - 各款海鮮撈上濃香汁同好多菇，幾特別。 💕招牌鮮雜果麻糬窩夫配雪糕及棉花糖$105 - 呢款係我覺得必食之選，大大個棉花糖好似雲朵咁，真係勁ig-able - 棉花糖甜度適中，下面嘅waffle好脆口，入面煙韌，配上冧酒提子雪糕同好多新鮮水果，啖啖滋味，大人小朋友都食得開心🥰 有機會要再去少女心下！ 🥰Cafe Library by Espuma (沙田) @cafelibrary_hk 沙田沙田正街18號新城市廣場1期7樓703A號舖