Groovy | Coffee & Dining 2024/05/06

樓上的驚喜

朋友係要見既!不過我份人比較被動,通常都係佢哋約我。 當然,食乜,由友人決定。 其中的食家朋友建議去銅鑼灣上樓既西餐廳,我未食過,但有興趣。 來的時候是週日,或大部份香港人都已北上消費,整晚連埋我哋只十個人 (我哋佔左四個),所以係幾寧靜舒服既。 各位胃口都唔大,索性只點兩份Set,再加兩份單點主菜,同埋甜品,足夠有餘。 套餐有跟沙律及餐湯,前者菜蔬新鮮,再配點新鱗水果,清人怡人。 是日餐湯為黑松露椰菜花湯,濃稠得宜,友人覺得黑松露既氣味蓋過了椰菜花的清香,不過其實都唔差丫! 選來的兩款意粉,分別係海膽扁意粉,以及帶子明太子意粉。前者味道好濃郁,伴上加拿大海膽,重口味人士之選。 我反而更喜歡帶子明太子意粉,將明太子狠狠撈勻,讓每口意粉都帶明太子的咸香,真心好吃,那兩隻帶子,是錦上添花。 另外的兩款主食,係扒。豬扒連骨,厚身但唔會好粗嚡,邊位帶肥脂,最佳部位當然是連骨的位置,用手拿起來齒,豪邁些也無妨。 安格斯封門柳係慢煮形式,自然不會韌。然而我個人認為青醬下得太兇狠,蓋過了牛扒本身的優點。不過,兩份扒所伴的薯條,都是又熱燙又好味,停不了口。 跟餐的甜品係伯爵茶奶凍,質感細滑,也帶有滿滿伯爵茶香,面頭仲加球雪糕,以跟餐的甜品來說,是非常有水準。 另外的兩款甜品,焦糖口味巴斯克芝士蛋糕,中心軟滑,芝味十足。提拉米蘇既濕潤,亦不失咖啡酒香,好對口味的出品。 總的說,咸食可以,甜品更加是喜出望外。最估唔到,結尾杯拿鐵都咁掂~ #Cafe #甜品 #西餐 (此文章由U Blog 同步發佈至社群)

地址
Groovy | Coffee & Dining
香港銅鑼灣富明街2-6號寶明大廈3樓C室
評分
4/5
哩間真係唔錯☺️
正😍😍 可否互相關注一下喔💕💕
下一篇載入中