【💰性價比高質豬扒🐷】

一出地鐵站就見到大大個招牌，地點超級方便📍 午市堂食竟然有免加一服務😱 店內設計簡約舒適亦寬敞，環境乾淨衛生，店員服務好友善💜 👑吉列厚切豬扒定食 $98 超厚切勁juicy嘅豬扒，咬落腍滑，而且炸皮好薄，名符其實嘅皮薄餡靚，份量唔少，定食仲可以免費額外追加白飯同椰菜絲，絕對係大滿足😍 椰菜絲配芝麻醬好開胃😋 白飯粒粒分明，煙韌有咬口，茶碗蒸夠哂滑溜，再配埋必備味噌湯！ ✨三色刺身丼定食 $118 大大片三文魚刺身，爽口滑溜帶子刺身，再加埋鮮甜大隻嘅牡丹蝦，一次過滿足哂三款口味😆 醋飯酸酸地亦好有咬口。 ✨芝士年糕（兩件） $26 香濃芝士流心餡🧀 外層表面脆脆地，中間年糕煙韌有嚼勁，熱辣辣食香脆好味😍 ✨煎餃子（五隻） $38 外皮透薄香脆，餡料香濃帶點肉汁，唔會乾噌噌👏🏻 ✨西柚梳打（定食加配） $12 正常味道，不過不失，西柚味濃郁，大大杯size，性價比唔錯😆 🔍整體感覺：主打親民價便當，有齊前菜、茶碗蒸、麵豉湯同白飯，有需要仲可以加飯加椰菜絲等等，就算唔加份量都唔少，味道亦有一定水準，價錢實惠但絕不馬虎，真係做到平靚正👍🏻 選擇都幾多，唔想食吉列系列亦可以揀刺身、燒肉或者煮物定食，仲有多款小食🥟🦪🍤 梗有一款啱心水🤤 ─ ─ ─ ─ ─ ─ ─ ─ ─ ─ ─ ─ 美味：👅👅👅👅 環境：🪑🪑🪑🪑🪑 服務：🤵🏻‍♀️🤵🏻‍♀️🤵🏻‍♀️🤵🏻‍♀️🤵🏻‍♀️ 價錢：💰💰💰💰 推介：☀️☀️☀️☀️🌤