外星人主題日式燒肉店👽

最近將軍澳新開咗間以外星人為主題的燒肉店👽 — @eat_tabeyo 😍😍 餐廳主打一人份燒肉套餐，最平$48就有交易，性價比好高！！ 客人用手機落單後，燒肉套餐便會以飛船托盤送上！成個過程好得意🌟🌟 - 🍱163 宮崎A5和牛套餐(100g) $178✨ 賣相吸引！包括有宮崎A5和牛肩胛肉眼心、上等牛肩胛同肩胛翼板～～ 全部牛肉都好新鮮，我就最鍾意「A5和牛肩胛肉眼心🐂」！入口即溶，啖啖油脂香🤤🤤 另外套餐會跟昆布湯、泡菜/沙律同白飯，我地就加錢升級要紫菜溫泉蛋飯🍚，配燒肉一流！！ - 🍱166 A5宮崎和牛肩胛翼板套餐 $148✨ 肉類包括A5宮崎和牛肩胛翼板、Prime Grade牛五花同肩胛牛柳～～ 整體味道都唔錯！「A5宮崎和牛肩胛翼板🐂」肉質軟嫩，油脂分佈平均～食完想再encore😋😋 - 🐮薄牛舌(100g) $52✨ 牛舌薄切，肉質嫩滑軟腍、重牛味～兩邊輕輕一燒後就食得，咬落仲好juicy🔥🔥 - 🍮焙茶奶凍 $22✨ 🍮綠茶奶凍 $22✨ 最後要試埋佢地的自家製奶凍，兩款口味都好好食🤩🤩 奶凍口感Q彈，入口充滿焙茶同綠茶香～而且甜度啱啱好，作為今餐完結好滿足！！ - 🏠 EaT燒肉 地址: 將軍澳坑口重華路8號東港城1樓101號舖 營業時間: 11:00 - 22:00