平日時間嚟到位於旺角嘅台式燒肉。可能平日嘅關係，人流唔算多，所以食得好舒服🤭 鋪頭光猛整潔，仲有好多個天燈仔做裝飾，係幾cozy嘅✨點餐模式都係半自助，QR Code係落肉類、小食、海鮮同嘢飲，而出面嘅自助Bar就主要攞飯、湯、蔬菜同其他嘅飲品。上菜速度好快，亦都好少漏單情況。 而食物方面今次點嘅係澳洲M5和牛吃到飽❤️隨套餐附送嘅係2件燒牛舌芯，肉質嫩滑，都稍有入口即溶嘅感覺。其他叫咗嘅牛仲有澳洲M5和牛、安格斯牛小排同美國SRF極黑牛。我會話M5和牛係三款最好食嘅，始終係和牛，油脂分布最均勻🤣但其他嘅都一樣好食，配埋佢嘅安平黃金醬食就一流！雞肉質素就正常發擇，但同樣肉質唔錯，如果多啲seasonings會更好！ 海鮮我哋揀咗帆立貝、絲瓜煮蜆、魷魚同虎蝦。每樣食材都算新鮮，而且上菜嘅時候都算企理，唔會成堂水咁遞上嚟，衛生程度讚嘅！最鍾意食帆立貝，有牛油喺上面，燒嘅時候面頭嘅調味同牛油融入咗入帆立貝，好惹味，不停encore! 而自助Bar方面，主要攞咗嘅係飯同湯。驚喜嘅係可以自製「牛角飯」，其中滷肉汁係highlight之一，佢令成個飯昇華咗去另一個層次！而旁邊嘅蕃茄洋蔥牛肉湯都好高質，成煲湯都勁多肥牛，牛嘅脂肪令成個湯更加好飲，不過飲完呢就已經飽咗1/4了🤣另外要推薦嘅係菠蘿，勁甜！忍唔住自隊咗四塊嚟食😍 小食方面，叫咗櫻花蝦拌麵同金沙翠肉苦瓜。櫻花蝦拌麵份量意外地多，小食嚟講算係XXL Size🤣拌麵唔會太硬而好難消化，旁邊滷肉碎就做咗個好好嘅點綴，唔會食落太dry。而金沙翠肉苦瓜就比較特別，其實唔知係翠肉瓜定苦瓜，但總次就係鋪咗層鹹蛋黃coating嘅瓜，輕輕炸過，好richy! 甜品仲有仙草芋圓同haagen dazs雪糕揀，為呢餐燒肉完美落幕🤭