旺角｜正宗泰國水門雞

香港都可以食到正宗泰國水門雞，而且仲有好多分店好方便🥰 今日喺旺角做完野就見到一間。 店內設計帶有泰國特色，有吊扇有掛畫，仲有泰式拳套🥊。 點餐自己掃QR code 揀。 款式好多，除咗水門雞、泰式豬手、雞雜、串燒等，仲有新菜式如炸黃門鰻魚皮、六星鮮蟹肉炒飯、泰式和牛肉串～～ 水門雞飯 午市套餐可以分別加$10及$26，加配雞雜，及雞肉串燒。 雞肉我無轉雞髀，因為好想試下其他部位係咪都整得好食。 果然真係唔錯，雞胸同樣軟腍，雞味香濃，無骨啱哂我☺️ 點辣醬會更惹味，不過我喜歡食原汁原味！ 雞雜估唔到有咁多種類，雞紅、雞腸、雞腎、雞心，爽脆鮮味。 飯亦散發陣陣油香！ 至於雞肉串燒就配有沙嗲醬及醋，沙嗲醬濃郁惹味 套餐亦包特飲，我要咗杯凍香茅特飲，味道清新，夏天飲特別爽！ 泰式炒通菜 食泰國野點都要整碟morning glory 😂 炒得幾有鑊氣，菜亦新鮮爽甜 #水門雞飯 #旺角美食 #水門雞 #泰國菜