性價比Omakase🍣 - 鮨鳶

見網上寫佢性價比高, 趁住同男朋友周年紀念就去左食~Dinner 黎講前前後後25款, 以量取勝👍 印象深刻係鮟鱇魚肝同磯煮鮑魚~ 磯煮鮑魚煮得好入味~ 鮟鱇魚肝就用左紅酒慢煮,入口比較甜~冇左平時個種魚腥味~如果本身怕腥既朋友都可以一試🤭 壽司部份有基本大拖中拖赤貝象拔蚌~ 印像深刻係當中既赤身經熱水浸熟表面再輕沾醬油做調味🍣赤貝都做得好新鮮😍 另外,因為男友要食灸燒既款式, 師傅都幫手係男朋友個d 魚類刺身做灸燒處理🤭 最後佢上既係海鮮粥~ 做得幾鮮甜~飯未煲到最爛反而有d 咬口🤭🤭🤭 不過都有d 可惜位在於 1. 師傅開始前冇問喜好同有咩唔食 2. 因為鮨鳶係另一間日料餐廳界左一小部份出黎做omakase, 如果omakase 房間內坐唔晒,當日餐廳安排左其他客人坐入黎