西餐烹調手法佢呈現亞洲菜嘅味道

今次介紹依間位於西環嘅fusion餐廳「House of Culture」，推開餐廳門會見到有如洞穴一般嘅室內設計。就咁睇設計你哋一定會好佢係食西餐，但係大廚其實想用西餐方式去呈現亞洲菜嘅味道，所以會見到澳洲菜、馬拉菜同埋香港本土特色融入菜式入邊。 帆立貝撻 香脆嘅脆餅上面放左新鮮嘅帆立貝粒，口感相當彈牙和鮮甜。 芥蘭苗 用上baby級芥蘭整成圓柱型小菜，加入柚子同埋海帶汁，味道相對比較清新。 雞肝醬配麵包 幼滑又濃郁嘅雞肝醬配搭新鮮焗製香草麵包，每一啖都係濃郁嘅口感。 奶油昆布香菇大根 傳統大根都係用咗關東煮嘅形式，今次大廚就用咗昆布同埋香菇奶油，所以味道會充滿菌香和奶油嘅鹹味。 南瓜鴨肉可樂餅 平時食開豬肉和雞肉嘅餡料，今次用南瓜同埋鴨肉真係帶比我新鮮感。香脆嘅可樂，入面有幼滑嘅南瓜蓉和充滿油香嘅鴨肉，秘製醬汁亦都可以減低油膩感。 鹿兒島吉列豚肉 用上矜貴嘅鹿兒島豚肉，經過油炸之後肉質都會有微微嘅粉紅色，而且炸皮唔會太厚，真係恰到好處啊。 慢煮12小時牛仔骨 綠色部份其實係泰國羅勒同埋椰子，用上慢煮嘅方式令到肉質軟腍，相當入味架。 最後兩款甜品都有驚喜，第一款係冰凍嘅雪糕配搭棉花糖朱古力，第二款就係杏仁脆餅刨冰，兩款都各有特色㗎。 House of Culture (西環) 西環西營盤皇后大道西335-339號崑保商業大廈地下B號舖 #西餐廳#UCreator#旅行美食#打卡美食#想飛賞飛#春日賞櫻