有鑊氣XO醬炒腸粉

最近經過厚福街見到開了一間外賣店，名字「餓媽家姐」相當有趣，是omakase的階音。店鋪不算大，但食物款式非常多，有手工漢堡、炒腸粉、日式便當和烏冬，還有各類炸物沙律小食，連地道燒賣魚旦、撈麵都有得食，見門口企滿人等外賣，試一試先。 XO醬牛肉蛋炒腸粉$44 外賣店的招牌菜式，非常有鑊氣的小炒，鹹香撲鼻，牛肉入口嫩滑，完全唔韌，用上了香辣XO醬，每條軟滑腸粉和牛肉都掛上了XO醬汁，令整碟炒腸粉都很惹味，大大盒，非常飽肚，果然沒有令我失望，難怪咁多人幫襯。 慢煮無激素雞胸沙律配意大利黑醋$65 大大碗，材料豐富，有炸麵包粒、烚蛋、雞胸肉、青瓜、粟米、車厘茄。雞胸肉本身脂肪含量低，蛋白質豐富，健康又輕怡，配上酸甜的意大利黑醋和清爽沙律菜，清新開胃。除了意大利黑醋，醬汁亦可選柚子醬、日式胡麻醬或凱撒沙律醬。 魚肉燒賣$20 （14粒） 魚肉保持到煙韌彈牙口感，無蒸到過淋，點上辣油更加滋味。