舒服自動轉轉串燒 一入黎會即時有一盤串燒俾你燒住先，店員亦十分細心講解點樣燒點樣放串燒上串燒爐。又會介紹枱面上既調味料，及何時加入調味料會更好味，燒到7至8成熟擦上面更佳，仲會講店舖既飲品位係邊及如何落單，十分貼心！ 調味料有牛肉汁、蒜蓉辣椒汁、柚子蜜、孜然粉、辣粉、胡椒粉及鹽。 🌸牛類 有牛舌、美國牛肋腩、m6和牛牛柳、紐西蘭西冷。大大粒牛舌，食落十分滿足，同埋超重牛味。 🌸豬類 有美國豬肉眼、豬五花、豬肩胛、豬大腸。 豬五花油脂分明，十分邪惡！燒耐一點還可以做到入口不膩。 🌸雞類 有雞翼、雞腎、雞軟骨。 雞翼皮燒到卜卜脆，外脆內嫩，而且仲要係單骨雞翼，非常細心。 🌸海鮮類 有多春魚、蜆肉、鯖魚。 多春魚原條上，燒到脹卜卜，鮮甜好味！可以再叫呀！ 🌸腸類 有芝士腸、廚師腸、台灣腸。 台灣腸係黑椒口味，脆卜卜好味呀！ 🌸菜類 傻婆們一致認為燒🍍🍍菠蘿係最好味，叫完一輪再一輪，叫到連店員都笑呀！ 🍍🍍菠蘿係新鮮菠蘿，食到一絲絲既感覺，而且非常鮮甜爆汁，燒到焦香，簡直冇得頂！ 🌸甜品 有棉花糖同雞蛋仔，雞蛋仔也不錯，燒到脆卜卜，又有另一種風味，燒雞蛋仔切記心急，要慢慢燒同埋要放最邊既位置！ 🌸飲品 雖然依度得一個大既飲品櫃，但勝在都多款，好難得有ooha，仲齊晒3隻味，又有可口可樂同zero，鴻福堂就有凍檸蜜、菊花蜜、燕麥豆乳、豆漿，仲有烏龍茶。 是採用電子落單，一落完單串燒就會好快送上黎，店舖坐位十分寬敞全部都係卡位，枱面空間夠大，環境舒適！ ======詳情====== 串Grill 自助燒烤專門店 (譽發廣場) 旺角彌敦道558-560號譽發廣場7樓 ================ #yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #美食 #旺角好去處 #旺角美食 #RnT旺角 #串燒 #牛 #豬 #羊 #雞蛋仔 #燒菠蘿 #多春魚 #台灣腸 #和牛 #牛柳 #雞翼