2023/01/13

約朋友出旺角食飯,首選當然係打邊爐,黎咗荷李活地庫嘅呢間牛大人,非常就腳方便。揀咗食澳洲極上和牛吃到飽 ($328),可以食到澳洲和牛、SRF美國黑牛同安格斯牛等等。 先講湯底,我哋揀咗牛大人紅燒牛骨鍋,唔好睇個鍋底好似好紅,其實只係有微微嘅辣,反而牛味就幾濃,入面有牛骨、龍眼、杞子等配料。 原來叫澳洲極上和牛吃到飽會送澳洲和牛丸,牛丸彈牙,牛味好濃,咬落仲有肉汁。至於牛肉方面,必食當然係澳洲和牛M5 牛肩卷,肥瘦適中,肉味濃郁,重點係非常之腍身。SRF美國黑牛後腿肉都唔錯,本身比較瘦,但一樣好腍嫩,肉感更加重。如果鍾意爽彈口感就可以點牛胸爽,其他好似安格斯牛小排、手切封門柳等都唔錯。 除咗肉類,仲有好似丸漿、海鮮同炸魚皮、油炸鬼等炸物可以叫,至於自助吧就有蔬菜、菇類、丸類等等。好似章魚珍珠漿、真味牛肉漿、澎湖花枝漿等等,手打起膠,食落好彈牙。沙白好新鮮又夠大隻,肉質肥美鮮甜。脆肉鯇魚片大大片好爽脆。 飲品方面除咗一般罐裝飲品,同烏龍、大紅袍等冷泡茶,仲有手調飲品,好似古早風味嘅冬瓜茶同酸酸甜甜、清新開胃嘅金桔椰果。 。 。 牛大人台灣火鍋吃到飽 (荷李活商業中心) (旺角) 旺角彌敦道610號荷李活商業中心地庫 。 。

平均消費
HK$0
評分
4/5
下一篇載入中