《🧨2023 Buffet頭炮🧧3.5鐘食盡龍蝦生蠔甜品》

㊗️大家新年快樂❤️‍🔥 琴晚出咗片，唔鍾意睇字嘅各位自己去睇返啦😆🤘🏻！ . 1月推出以龍蝦同蟹做主題嘅buffet，趁姐姐一月生日特登同佢去試吓🎂😚 . 📍龍蝦 • 蟹雙重鮮味自助晚餐 🔻海鮮 8款海鮮包括：生蠔、龍蝦、麵包蟹、長腳蟹、藍青口、青口、蝦、翡翠螺。生蠔細嫰但太細隻，影響咗鮮味🦪。龍蝦爆膏，不過唔夠嫰🦞，比起焗龍蝦失色。長腳蟹、蝦同青口食落有鮮味🦐🦀，👍🏻！藍青口就冇鮮味，麻麻。 . 🔻刺身壽司 5款刺身包括：三文魚、吞拿魚、赤蝦、鯛魚、八爪魚。三文魚同赤蝦最好食，肥美油潤☺️；吞拿魚太瘦。 壽司絕對係亮點✨，賣相精緻款式又多🍣，壽司用嘅刺身質素好高，帆立貝、牡丹蝦、火炙左口魚、花之戀同龍蝦火炙芝士牛油果卷都推介大家一試🤘🏻。 . 🔻前菜沙律 火腿同芝士都各有4款🥗🧀，發揮正常。 . 🔻熱葷 熱葷選擇唔算多，值得一讚嘅係芝士焗龍蝦🦞，鮮味十足❤️！鴨肝入口即溶，油脂甘香💛。另外，乳豬肉質嫩滑，鹹香又唔會太油🤘🏻。天婦羅同吉列即叫即炸🍤🔥又唔油膩，唔錯～ 龍蝦鉗有2款，避風塘同日式燒汁，2款都麻麻 串燒🍢、Pizza🍕、中菜就一般，另外仲有印度咖喱同麵食 . 🔻甜品 款式非常多，可以話係甜品控嘅天堂，有甜品杯、蛋糕、啫喱、果撻等等。另外仲有4款榴槤甜品💛，榴槤芝士撻真係好食到顛！蛋糕唔錯🍰，仲有一款扮雪條嘅朱古力mousse都好正❤️‍🔥 自家製意式雪糕有4款，包括：D24榴槤、野莓、杏脯同蜜糖梨，榴槤最值得食😋。Haagen-Dazs雪糕有6-7款，其中有3款新出口味❗️絕對滿足到螞蟻人🐜。 . 📅供應日期: 2023年 1月9日至3月31日 💰星期一至四($738/成人;$448 /小童），星期五至日及公眾假期($798/成人;$468/小童） 🕐時間: 6:00p.m.-9:30p.m. . Alva House (沙田) 沙田源康街1號帝逸酒店1樓 . #社群時間囊 #沙田美食 #沙田 #草根食buffet #Buffet #自助餐 #香港美食 #香港自助餐 #新年大餐 #Grassrootseaters #Foodie #Food #Foodblog #香港帝逸酒店 #Happynewyear