《買2送1東南亞自助餐 最平$374就食到‼️》

上年南灣如心酒店岩岩開番自助餐後食咗一次 當時覺得款式多又好食堅有驚喜 8月第一餐buffet特登帶埋2老一齊去😎 坐咗係私隱度較高嘅透明包廂，👍🏻 . 🔻海鮮區 5款海鮮：蟹腳、小龍蝦、翡翠螺、蜆、鮮蝦 翡翠螺肉質飽滿有鮮味🐚；小龍蝦、鮮蝦同蟹腳都唔錯👌🏻；蜆就太淡 . 🔻刺身及壽司區 5款刺身：三文魚、吞拿魚、八爪魚、甜蝦、馬刀貝 馬刀貝、甜蝦同三文魚最值得推介🥰，馬刀貝爽口；甜蝦鮮甜；三文魚肥美🧡；吞拿魚唔夠鮮味 壽司款式較普通🍣 . 🔻前菜及沙律區 火腿夠鹹香，但只有一款選擇🐖 3款芝士中軟身brie cheese 最好食🧀 6款沙律發揮正常🥗，最值得推介係超嫩嘅鴨胸沙律🦆 . 🔻BBQ區 今次特別推出即製BBQ串燒🔥，有豬頸肉、牛小排、雞翼、秋刀魚等等有8款選擇，不過水準未算好高🍢 . 🔻熱葷區 ❥森巴魚：魚肉嫩滑，肉質肥美，好食😍 ❥羊架：雖然buffet冇牛扒，不過羊架燒得香口入味，香草外殼仲好惹味添🐏 ❥泰式牛/雞串燒：雞肉軟滑好食啲，配上特色花生沙嗲汁都幾好食 🥜 ❥胡椒炒蟹：胡椒惹味低蟹肉唔夠飽滿🦀 ❥海南雞：雞肉細嫩，估唔到幾好食🐓 ❥紅咖喱荔枝烤鴨：烤鴨肉質木實，麻麻地🦆 ❥咖喱雞：咖喱幾香，不過雞肉唔夠嫩滑🥲 ❥原條蒸龍躉：魚肉嫩滑 ❥肉骨茶：未飲已經聞到香味，味道溫和舒服💖 麵食有多款麵底選擇🍜，喇沙湯底比較甜，椰香味重，配料都係大路款式（丸、菜、肥牛）唔太特別 另外仲有魚餅、越南炆豬手、菠蘿炒飯、麥皮蝦同天婦羅🍤，不過不失 . 🔻甜品區 整體款式同味道都冇上次咁出色，蛋糕類會好食啲用咗芒果主題，有楊枝甘露、芒果糯米飯、芒果布甸同芒果椰子斑斕奶凍，不過唔夠突出🥭，一般般OK☹️ 雪糕係Häagen-Dazs，不過得2款口味🍨 . 📍東南亞自助餐「熱帶豐收盛宴」 ⏰時間：6:30p.m.至9:30p.m. 💰價錢：成人$488，小童 $368，長者$388 🔥官網訂位仲有買二送一優惠，最平$374就食到‼️ https://ninaboutique.com/zh/b2g1-ionwch-brunch-buffet . I-O-N (黃竹坑) 黃竹坑黃竹坑道55號南灣如心酒店P3樓 . #草根食在黃竹坑#2023必玩必食#Grassrootseaters#草根姊妹#自助晚餐 #草根食buffet #自助餐優惠#foodie