灣仔｜東京人氣撈麵🇯🇵

最近迷上日式撈拉麵，朋友知道之後幫我搵左間日本人氣過江龍麵店，他們家既麵條用上自家小麥粉來製作麵條！除左麵條之外，亦自家研發肉燥、醬汁，同埋茶飲。 ⦁ 正宗全料東京撈麵 $109/L 有 M / L Size兩款，我地冇睇到可以免費加一個拳頭飯，加上太高估自己嗌左 L size。入面既配料好足，有日式慢燉叉燒、特製辣椒醬、糖心蛋、鯖魚粉、溫泉蛋、紫菜等。按照枱上既撈麵食法，又可以DIY唔同口味，好玩。 東京撈麵食法四個step︰ 1️⃣把醬料撈勻。 2️⃣享用三分一後，加黑胡椒。 3️⃣享用三分二後，加秘製香醋。 4️⃣完食後可免費添飯（約一拳頭大小），把剩餘的醬汁肉燥撈成成肉燥飯。 ⦁ 肉の地獄山椒胡麻冷撈麵 $119 我揀尼個口味係中辛🌶️，碗邊放滿粉嫩既叉燒，口味豐富💕，味道有點似中式担担麵mix泰式既感覺。每款撈麵既中間都有生食雞蛋一隻，有左雞蛋更加容易撈起果麵。✨聽店長講【山椒麻辣撈麵系列】係期間限定，暫定去到2月尾，想試就快D黎試。如果食到辣既可以揀大辣🌶️🌶️果兩款，而且鱈の白子賣得好快，大家就要注意啦！ - 小食 - ⦁ 單骨香脆雞翼 $36 生炸單骨雞翼，外層炸得好脆口，而肉質嫩滑，最重要係進食方便。 ⦁ 日式餃子 $36 4隻餃子都包住滿滿椰菜同豬肉，皮薄肉汁又多，唔蘸醬都好好食😋！ - 飲品 - ⦁ 焙茶拿鐵 $36 店員既溫馨提示，飲用之前要搖勻！焙茶味濃奶味勁香，飲落順滑，而且唔太甜。 ⦁ 日本產麥茶 $28 麥香味比一般好重同香，唔會有苦澀味。 ✨提外話，餐廳仲推行緊10分鐘內食完【舌の煉獄】撈麵，有水提供。挑戰成功除左免單之外，到活動結束後仍係第一位用時最短⏳，便獲得來回東京機票一張。有興趣就挑戰下💪🏻。 📍麺屋こころ @kokorohkg 地址: 灣仔軒尼詩道68號新禧大廈地下1C號舖 #麺屋こころ #kokoromazesobahk #kokorohkg #日本撈麵 #東京撈麵 #太麵 #自家製麺