和牛B由細到大，放假嘅時候我哋都會帶佢出戶外玩。 所以佢都好鍾意去戶外玩，以及親親小動物同大自然。  最近再去以前和牛B細個有去過嘅農莊玩~~ 大致上轉變唔太大，不過驚喜位多咗好多!!  我哋今次再去就係元朗區嘅448農莊，呢到有停車場。 所以，我哋駕車去都好方便。(文末有詳細地址及前往方法)  農莊嘅活動時間表，建議大家可以預先影低~ 如果冇影低都唔緊要，因為活動前15分鐘，農莊職員就會用廣播通知大家去集合。 一進入農莊，就有一片色彩繽紛嘅花海!! 絕對係一個好靚嘅打卡位呀!!   親親小動物 來到了小動物部份，448農莊入面有好多動物  而農莊每日嘅餵羊時間有兩節，如果想餵羊咩咩嘅話，就要留意當日時間表同集合地點啦~ 飼料由職員派發，亦係免費。 農莊除咗有羊咩咩之外，仲有動物區，動物區有魚、兔仔、爬蟲館、雀鳥及小動物等。 而佢哋亦為每種動物，作出介紹。 例如品種名，特式、習性等都會列出。 令訪客都可以對該動物更了解!!   戶外區有雀鳥、兔仔。 以前我記得有2隻兔仔，不過而家得返一隻喺呢間屋仔。 ---------- 前往方法:  駕車: 可以駛至元朗體育路去到欖口村路，再轉入欖堤東路盡頭就到448農莊 GPS: 尋找、欖堤東路   轉乘的士: 上車時可以同司機講 「欖口村，欖提東路一直入到盡頭」   **溫韾提示** 疫情關係，記得戴好口罩，記得勤洗手。 勿摸眼、口、鼻。 郊外戶外活動，記得做好防蚊措施，搽/噴防蚊水，   【448農莊@元朗】 地址: 元朗欖口村欖堤東路