小洪坊小炒火鍋海鮮飯店✨

想食鑊氣小炒，又想坐得舒服，可以成班朋友慢慢食慢慢傾吓計，呢間小洪坊小炒火鍋海鮮飯店就岩哂我地🌟位於元朗青山公路洪水橋段，門口設免費泊車，真係夠哂方便👍🏻 餐廳環境寬敞舒適，枱同枱之間有一定距離，加上座位闊落、企理整潔，空間感十足😎店員仲好熱情咁介紹VIP房，裝潢別緻之餘仲有得打麻雀、唱K，好適合一大班朋友黎食飯🥳 餐前小食 🔹泰式鳳爪 口感爽脆，味道酸辣刺激，好開胃 🔹椒鹽花生 鮮香酥脆又唔膩，仲好有咬口。 🔹Shake Shake 豬手仔 燒至外皮金黃酥脆，食落卜卜脆，好香口！內裡肉質保持嫩滑，一大啖咬落去肉汁四濺好JUICY，一啲都唔乾柴～最特別之處係配咗個紙袋、辣粉、炸蒜等，可以自行加入紙袋再Shake，增添香氣同時豐富層次，好惹味！ 🔹黃金椒鹽鮮魷 咸香又脆口，入口鬆脆得黎又鮮香味濃，魷魚爽脆有嚼勁，好有大排檔風味～ 🔹花甲花膠清遠雞煲 雞煲足料好豐盛，有大隻又飽滿既花甲，香甜無沙好新鮮；花膠大隻好厚身，啖啖膠質豐富，食落好軟滑；選用上等清遠雞，雞味濃郁香醇、肉質鮮美！特別一讚原煲上，令到全程都可以KEEP住熱辣辣，食落更滋味！ 🔹大肚婆炒飯 見到個名咁得意就叫黎試吓，原來有齊薑粒、菜粒、叉燒粒、蝦粒，再加入蔥花同炒，炒飯粒粒分明、鑊氣足，清香撲鼻而來，鬆香分明唔黏糊，好高質！ 小洪坊小炒火鍋海鮮飯店✨ 📍元朗青山公路洪水橋段