⚠️文具控注意⚠️日本盛大文具博覽 新宿篇 28/5-2/6

本人為了加入社群創作有價企劃行列，決定運用自身的日文一級能力，致力為大家上網搜羅與日本景點有關的優惠情報，再在U Lifestyle 作出分享。務求讓大家慳得一蚊得一蚊，做旅遊精明消費達人! ———————— 唔知大家鐘唔鐘意睇文具？ 我自己去親日本都一定要入HANDS行一行， 買一買文具。 今次想介紹既唔係HANDS, 係日本最近會舉行， 一個名為「文具女子博」既盛大文具博覽會。 首先唔好俾個名嚇親先， 男子、孩子都無任歡迎的 。 呢個係日本文具界既一個盛事， 由2017年12月開始舉辦過後， 累計已經招待過50萬人次既一個不定期Event。 多個日本文具生產商會參展， 由於你可以直接由生產商購買， 加上展覽會又齊又平又大機會有優惠， 文具控絕對值得參加既一個盛事呀！ 你知日本既文具絕對係優質又細心架啦！ 不過你要去既話， 請緊記， 一定要上網買左飛先 。 佢每個時段限人流入場， 一場完左另一場既人先可以入。 想買即日飛唔係唔得， 但佢話要有持飛人士人no show你先可以買即日飛入場 。 一個持票大人最多可以帶2個小學生或以下既小朋友免費入場 。 各時段如下： 【第1時段】10:00～11:50（最終入場11:20） 【第2時段】12:40～14:30（最終入場14:00） 【第3時段】15:00～16:50（最終入場16:20） 【第4時段】17:20～19:10（最終入場18:40） *2/6最後一天的最後時段為第3時段 入場費： 5月28日(星期二)・29日(星期三)・30日(星期四)・31日(星期五)…700 円(連稅) 6月1日(星期六)・2日(星期日)…800円(連稅) 地址：京王百貨店 新宿店 7階 大催場 東京都新宿区西新宿1-1-4 雖然入場要錢， 但我見佢以前啲相係有小遊戲玩， 相信除左買野， 你都應該有得玩小遊戲拎禮物 。 所以記得要帶個環保袋去， 呢度買野得個平口紙袋， 冇手挽會阻礙你掃貨的！ 如果你想睇過往活動情況可以睇以下YouTube。 https://youtu.be/L-_MNLZnCWg 想買飛就去呢度： https://eplus.jp/bungujoshi/ 大概買飛流程可見圖4- 圖9 想知道更多日本新奇有趣既event記得關注我啦‼️你既關注為我帶來寫文章既動力🤝 ———————— 所有圖片來自官網（https://bungujoshi.com）。 ———————— 如果大家見到有咩優惠/活動，但因為日文而唔識睇，可以話我知，我可以繼續出POST 話俾大家知。 想知更多優惠/活動資訊，就FOLLOW 我俾D動力我啦! THANKS. #日本好去處#日本之旅#日本#日本食玩瞓#求好旅友#日本旅行#日本自由行#日本旅遊#日本攻略#日本旅遊攻略2024#日本好玩景點#日本展覽#東京#東京自由行#東京攻略#東京景點#日本event#event#打卡熱點#著數報料#文具#文青#新宿#文具控#著數分享#著數推介