🌸Mokumoku Yakiton🌸 地點：尖沙咀厚福街12-12A號藍馬商業大廈16樓 香港燒鳥串燒就食得多，主打豚肉的日式串燒大家有冇試過呢?今日就同大家來到E間係厚福街的Mokumok一齊試下佢 🌺 食物：3.6/5 環境：🌕🌕🌕🌗/5 首先訂位會送蒜子蕃茄沙律，個日3個人去有2碟，整體酸酸甜甜夠清新作為開胃菜唔錯 ✅岩手縣岩蠔 生蠔超級大隻，有手掌咁大，整體非常新鮮鮮甜又飽滿，加上蘿蔔蓉及萬能蔥調味提鮮，簡直係成餐飯嘅mvp (仲有買五送一優惠) ✅牛肉蔥卷(期間限定) 大少少肥嘅牛肉包住蔥嘅汁水一啖爆汁 ✅免治豬肉釀冬菇 ($38/串) 聽落佢個名好家常，但係係當晚嘅另一個MVP，冬菇嘅汁水完全俾釀豬肉包實晒，食落去有蔬菜嘅鮮同埋肉幾香，唔會太油膩超級驚喜 ✅西班牙產黑豚頸肉串 (38/串) 燒豬頸肉，果然油花十足，食落去一啖爆曬啲油脂感出嚟 🆗 金星豚肉流心蛋卷 ($48/串) 出邊就好似帶鹹香的煙肉包住半熟爆漿嘅鵪鶉蛋，其實唔係唔好食，只不過出邊有太多類似嘅Commbation , 冇咩驚喜 🆗 燒氯團 ($38/個) 枱枱都嗌飯團，我哋當然唔好錯過，出邊好似飯焦咁輕輕煎過，食落去好有食煲仔飯飯焦嘅味道，分咗明太子同埋沙律醬味，本人建議明太子會再惹味d 🆗魷魚(期間限定) 送酒ok, 但味道就soso only P.S: 全部串燒2串起叫