極尚大瀛喜日本料理

極尚大瀛喜日本料理 地址：銅鑼灣駱克道463-483號銅鑼灣廣場二期11樓 好耐無食放題啦～朋友生日想食高質放題，我地揀咗呢間［極尚大瀛喜日本料理］，位於銅鑼灣廣場二期，鄰近地鐵站，夠哂方便！可以任食各類刺身、壽司、炸物、熱食等等，飲品、甜品、蛋糕全部自取，性價比真係好高～ 極尚大瀛喜既刺身拼盤有好多選擇，今次嗌左三文魚，甜蝦，螺肉片，北寄貝，北海道帶子等等，魚生新鮮之餘仲好厚肉！ 套餐仲有唔少創作壽司，例如鵝肝壽司，黑松露油甘腩壽司，鮑魚仔軍艦，巴馬火腿創作壽司等等，食落出奇地夾，組合新奇有趣得黎仲好好食～ 炸物方面都好吸引，即叫即炸熱辣辣，脆卜卜上枱。特別推介貓山王炸榴槤，紫心香芋丸，吉列炸鮮奶，款款都好惹味～ 咸點方面有芝麻雞翼，金牌紅燒乳鴿皇，鹽燒牛舌，燒紐西蘭香草羊鞍。熟食肉類同樣出色，質素有保證！ 鐵板蜜汁蒜香牛柳粒 牛柳粒好重牛味，絕對唔會馬虎，入口夠曬惹味！ 雪花牛肉鍋 牛肉肥瘦適中，牛味香濃，仲有娃娃菜，夠健康。 西京燒比目魚 魚肉好新鮮，入口肥美好有魚香。 呢度仲有湯飲架！今次飲左淮山杞子蟲草花雞湯，由雞件煲成，淮山杞子蟲草花既配料都放左好多入去，飲落夠哂足料好鮮甜！ 自助櫃仲有冷盤涼拌，甜品蛋糕，飲品自助等。值得一讚既係仲有清酒，梅酒提供，比較難得，大家記得試下啊～