科學園午餐

喺科學園完成工作，買啲外賣返屋企同家人分享～ 平時都會喺楠天Kitchen食 lunch，今日就嗌咗炒飯＆燒味，仲有小朋友鍾意嘅豉油脾🍗！ 揚州炒飯🔥夠乾身＆鑊氣，飯粒粒粒分明，彈口好食。有豐富配菜，叉燒粒、大蝦🦐、炒蛋、椰菜絲等等，咸香味好開胃；好大盒，大人食都好飽！ 皇牌燒味係必食，叉燒肥瘦剛剛好，微微炭香；脆皮燒腩仔就少少肥，但油脂好香好吸引。 豉油雞脾沙律🍗 有大大隻脾，豉油味好入味，雞脾肉嫩滑，小朋友鍾意成隻拎住食，好滋味～沙律係雜果沙律，就酸酸地又爽口，平衡返邪惡嘅油脾！ 不得不提，羅宋湯非常非常足料，我次次都會叫！肉碎、紅蘿蔔、西芹等等，酸酸地好味道，仲有豐富纖維～ 📍楠天 Kitchen 沙田白石角香港科學園1期科技大道西1號核心大樓2座地下S002號舖