澳門一日遊

數數手指我都有起碼有7年冇去過澳門，今次趁我啊媽返香港就搞咗個澳門一日遊。行程可以話係冇行程，帶住兩位老人家最緊要係hea😂。 ▫️ 澳門氹仔➡️ 官也街 我哋搭八點半船(金光飛航)由上環碼頭去澳門氹仔，到埗後就搭的士去官也街搵食 ▫️誠昌飯店 （喺reel冇出現到😂) 老人家最鍾意食中餐，一定唔會投數 ▫️莫義記貓山王 / 順義鮮奶 食完行出官也街搵甜品食 ▫️官也街買手信 ▫️Team Lab （澳門的澳門威尼斯人酒店內) 逗留咗大約1小時 ▫️澳門巴黎人 / 澳門倫敦人 慢慢行，打吓卡。幾間酒店嘅距離唔近㗎，老人家慢慢行打吓卡可以消磨好多時間😂 ▫️小飛象葡國餐 早啲食飯唔洗同人迫。安排好老人家坐低後我哋兩個去咗世紀咖啡買豬扒包/咖啡。食飽飯後仲有少少時間周圍逛吓，見到LemonCello咪行入去食雪糕。 帶住兩位老人家我哋全程搭的士。 食完晚飯搭的士去碼頭搭7:30pm船返香港，一日遊就咁完結喇。 #全民打卡企劃