重量級巨型burger 🍔

有需要過去深水埗呢邊 都bookmark 左啲小店～ 今次去到欽州街 近嘉頓麵包廠嗰邊🤣 店舖主打8款burger 有牛、羊、魚 希望遲啲會有更多款式🙆🏻‍♀️ 可以單點/套餐試埋小食同飲品🥤 套餐嘅話大概$106-$140 左右都有！ 整體份量十足 小食份量都多 飲品都係自家製😆 舖頭都有少量位置可以堂食 亦有手套提供 ➖➖➖ 1️⃣老爹招牌漢堡$108/$136 (set) 🌟 女仔一個食晒都已飽 係店舖招牌款式🥰 有兩層美國安格斯牛漢堡扒 都幾厚 幾juicy 唔會好乾 脂肪都幾平均 想食再肥美啲可以試下和牛漢堡☺️ 另外有雙層芝士、煎蛋、煙肉同焦糖洋蔥 Size 的確幾大 所以一啖咬唔晒😂 分開一層一層食 包體係幾軟熟 但食食下又漏下汁 食食下個底濕左～ 因為都幾多料 最後都會番茄同生菜平衡番所以唔會好油🙆🏻‍♀️ 每款包都可以跟番個醬汁 最後詳細講下 ➖➖➖ 2️⃣菇牛漢堡 $98/$126 (set) 本身店員推薦羊肉漢堡～ 但同行朋友唔食羊 最後揀左另一個配搭 大啡菇都幾juicy 配左黑松露醬幾夾 呢款塊patty 會乾少少 ➖➖➖ 3️⃣炸燒賣 (8pcs) 粒粒飽滿 但唔會炸得好乾😆 建議點埋配burger 嘅醬汁都幾唔錯！ ➖➖➖ 4️⃣炸番薯條 份量多 番薯條粗身綿密 亦幾甜🙆🏻‍♀️ ➖➖➖ 5️⃣無糖烏龍茶 6️⃣泰式奶茶 兩款都係樽裝飲品～ 烏龍茶茶底濃郁 帶回甘😆 泰茶都難得唔會好甜 濃而不澀🤘🏻 ➖➖➖ 醬汁: 有多款汁揀 當日試左蜜糖芥末、松露、老爹秘製漢堡醬、明太子醬 個人認為大啡菇 嗰款會幾襯蜜糖芥末同松露沙律醬 蜜糖芥末甜辣平衡 松露香氣頗突出 老爹秘製漢堡醬同招牌漢堡更夾～ 會食到好似肉醬咁 帶番茄酸味同微辣 更加惹味✌🏻✌🏻 最後明太子醬可能同海鮮類會夾d 🙆🏻‍♀️ ➖➖➖ 📍老爹漢堡