北上玩樂！ 純K去過番唔到轉頭｜人均￥12唱足4個鐘！

#MC帶你去深圳 北上除咗飲飲食食，娛樂當然都唔少得。今次小編就試咗人氣高企嘅「純K」🎤發現真係同香港差天共地，方方面面都完勝香港，連香港歌手嘅歌庫都齊過香港。 . ✨ 東門信和廣場店 東門店比較新開業，2022年尾先開業，裝修、音響設備都會比較好啲，最重要係依間全部房都有4個大Mon拼湊成超巨型落地大Mon🖥️相當震撼😱 . ✨ 收費 - 大屏幕中包（1-9人） ￥108 東門店全部房都有4個大Mon，所以只有兩款Size嘅房間選擇︰大屏幕中包（1-9人）、大屏幕大包（10-12人），其中最平就係中包房間由12:00 至 16:00內開唱，唱4個鐘就￥108。如果係好想飲K或者比較多人🤔最抵玩法係喺大眾點評預付12:00同埋16:00兩個時段，到前台攞房時同職員講返電話號碼、預付咗兩個時段，就接可以不停、不換房咁唱8個鐘😝 . ✨ 歌庫 MC 張天賦、MIRROR、MIRROR各成員、洪嘉豪、林家謙、張敬軒、Dear Jane、COLLAR、Lolly Talk...全部都有，仲要更新得幾快。例如Gin Lee 李幸倪嘅《企好》，7月6日上架，小編今次8月底去純K已經有得唱。偏門少少，FHProductionHK出品藍仔頭 x Kerryta嘅《下個取替我》、李家豪 Anthony嘅《將軍令》都有🥰 . ✨ 環境 今次好好彩，前台職員幫我upgrade咗去名仕廳，係大包廂，就坐得更加舒服😎就算之前正常中包廂都好闊落，仲要每間包廂都有獨立廁所，乾淨到不得了👍🏻👍🏻 . ✨ 食物/飲料 嗌嘢食呀、嗌服務員、點歌、較冷氣、較燈光都係用小平板控制。依道係可以比你嗌美團外賣拎入嚟食嘅，咁但係「純K」啲食物/飲料價錢相對香港嚟講都算平，不妨可以一試。 . ⭐整體︰9.5/10 ⭐食物︰8.5/10 ⭐環境︰10/10 ⭐價錢︰10/10 . 📍 純K(東門信和廣場店) 地址：深圳東門中路2010號信和購物廣場11樓 交通︰地鐵3號線晒布站 A1 出口 . #MC #Ming _Course #週末好去處 #拍拖好去處 #情侶好去處 #香港小店 #福田區美食 #深圳美食 #福田一日遊 #福田好去處 #香港美食 #吃貨 #相機食先 #本地遊 #香港一日遊 #香港好去處 #深圳 #深圳好去處 #深圳餐廳 #純K #KTV