外國食材FUSION菜🫕

平時嚟D2 Place行市集成日覺得長沙灣係美食沙漠🫠發覺最近小店擴張咗多咗好多選擇 裝修之後第一次過嚟幫襯 ❣️晚餐二人餐 $238 🥢美國穀飼斧頭豬扒配蘋果黑醋醬 Menu顯示大部份食材都係外國入口都呢個價位 以穀物飼養嘅穀飼豬 肉味香甜肉質細嫩🐖軟腍肥瘦均勻嘅肉身相當juicy 加上蘋果黑醋醬酸酸甜甜更好入口 🥢大阪風味粒粒鰻魚炒飯 採用日本珍珠米炒嘅炒飯粒粒圓潤飽滿 加入三色椒 粟米粒🌽同 西芹一齊炒 仲有日式象徵嘅鰻魚粒 同木魚碎 濕潤做法同一般中式炒飯乾身嘅好唔同 咁多配料放埋一齊 味道充滿層次感 🥢富士山蘋果伯爵茶 勁香🍎味 唔係一般紙包飲品嗰隻 真正蘋果汁溝出嚟嘅味道好天然 而且微甜啱晒我呢啲好怕飲甜嘢嘅人 🥢洛山花茶 見今餐食得Heavy咗少少 試吓無糖洛神花茶消消濟😗酸味味生津解渴 凍冰冰夏天飲真係好爽 ❣️紅酒燴牛面肉焗飯 $68 焗飯平時成日食 但係用珍珠米做飯底真係未試過🤭焗嘅珍珠米估唔到仲好食過炒 飯粒脹卜卜吸收肉汁精華 大大攤熱熔芝士蓋住腍身牛臉頰肉 同紅酒混合埋一齊淡淡都係精華 - 🫧友利冰室× 勿當奴(D2 place) 荔枝角長順街15號D2 place 2期1樓109號舖