必點❗芝士火鍋🫕

今次去人氣Mamaday Café嘅銅鑼灣新店～ Wish you a Mamaday，地點位於地鐵站C出口對面嘅京都商業中心；除左一貫攪鬼作風外，窗邊大型燈牌亦十分亮眼！menu主打以攪鬼名稱嘅特式意粉🍝，pizza、沙律🥗、炸物小食、甜品🍮等。座位濶落舒適，氣氛好好！ 🥑三文魚牛油果莎莎 $88 頂層滿滿三文魚籽、中間有綿滑嘅三文魚同香甜嘅牛油果，爽口嘅洋蔥等，食落層次同口感都好豐富，配左幾片香脆薄片，好夾又好味！ 🫕瑞士名物芝士火鍋 $298 傳統嘅芝士火鍋有牛扒、蝦、薯仔、西蘭花及法包粒等；牛扒肉嫩肉味香濃；芝士醬汁好快就熱；一口芝士一口牛扒，芝味無窮！其他配料都好高質，推介！ 🥩吉列你隻牛 $258 即係吉列牛扒，將外皮炸過嘅半生熟牛扒放喺爐度，按自己喜好嘅熟度燒返熱黎食！炸漿厚薄適中，牛扒軟嫩唔會有根，燒後好惹味，可沾日式照燒汁更香口！另外跟左蔬菜沙律，同埋滿滿麻油香嘅溫泉蛋飯！份量好足！ 🧇甜品點了焦糖脆脆窩夫：窩夫外層脆內軟，蛋味香濃，搭配上海鹽雪糕同十分脆口嘅焦糖脆脆，口感層次大滿足！ 🥤飲品點了士多啤利果醬梳打、玫瑰山渣梳打同埋薄荷檸檬梳打，三款都各有特色，唔會太甜幾解膩！ Wish You A Mamaday 地圵📍：銅鑼灣駱克道491-499號京都商業中心10樓