人氣新派大排檔!嘆住冷氣食鑊氣小炒

#MC帶你去荃灣 . 近年新派大排檔人氣高企🔥愈開愈多,大多以香港懷舊氣氛為主。今次試依間大排檔,都算係數一數二新派大排檔嘅人氣店呀🥇因為早三、四日訂枱都無位呀,唯有改去其他分店同時間就有位,人氣程度可想而知‼️ . ✨ 沙拉骨 $98 食落肉質厚實,淡淡肉,甜甜酸酸,十分滋味。 . ✨ 蜜椒薯仔牛柳粒 $113 全晚最推薦依個餸💯薯仔同牛柳炒到一樣色,勁入味,仲要擺耐咗都唔會好硬好韌👍🏻 . 🐟 椒鹽九肚魚 $94 椒鹽香蒜非常多,炸粉唔會過多,十分惹味。但數量真係少咗啲🤦🏻‍♂️ . ✨ 飛天通菜煲 $88 夠曬熱辣辣,通菜好爽嫩,但真係有啲辣,辣味似食生蔥嘅微辛微辣,好直接🌶️ . 🐙 白灼八爪魚仔 $108 食落滑嫩爽脆,十分彈牙,蘸秘製醬汁,簡單鮮味😋 . 🍚 豬油撈飯 $23 豬油、豉油、蔥、芫荽係分開別上,蔥同芫荽係兩位一份🙊職員建議唔好落咁多蔥同芫荽,如果太落太多會蓋過豬油嘅香味。初嘗豬油撈飯,真係好香,比麻油仲要香😍真係撈飯一流。 . 🍻 藍妹(3大枝)$88 大排檔又點少得啤酒😂用埋戰鬥碗飲酒,個個都變千杯不醉🆙 . ⭐整體︰8.5/10 ⭐食物︰9.0/10 ⭐環境︰9.0/10 ⭐價錢︰8.0/10 . ===================================== 📍 楚_記大排檔 (荃灣) 地址:荃灣川龍街118號百悅坊地下至1樓 交通︰港鐵荃灣西站 D 出口 ===================================== . #Ming_Course #hkfoodie #foodiehk #hkfood #hkfoodblogger #hongkongfoodies #hongkongfoodie #hkfoodlover #hongkongfood #週末好去處 #拍拖好去處 #情侶好去處 #香港小店 #荃灣區美食 #荃灣美食 #荃灣一日遊 #荃灣好去處 #香港美食 #香港美食打卡 #香港美食攻略 #香港探店 #本地遊 #香港一日遊 #香港好去處 #荃灣 #大排檔 #豬油撈飯 #大排檔 #薯仔牛柳粒

平均消費
HK$150
地址
楚撚記大排檔
香港荃灣川龍街118號百悅坊地下及1樓
評分
4/5
good
下一篇載入中