觀塘版蘭桂芳西餐廳

觀塘返工放工經過都見到呢間西餐廳裝潢覺得好grand，一直沒機會試最近終於去食喇！一入到去，座無虛席(好在我訂咗位), 場地相當有氣氛，服務員都係外藉人士，成個格局有如去咗蘭桂芳咁，可能氣氛好，好多人都會喺度食生日飯，不停播生日歌，咁啱西生今個月生日，不停聽到生日歌，我要不停講‘唔係你’, ‘今次都唔係你’ ---講返食評--- 10oz Rib Eye Steak 50% (MED) $268 十間八間叫五成都係七八成熟，呢間叫五成真係做到五成！另外肉質細嫰，見到西生食到lam lam脷。 Truffle Mushroom Linguine $138 醬汁濃厚，意粉面有幾片黑松露，份量都大碟，女士可能食一碟就飽． Truffle Fries $58 份量充足，唔會炸過龍，重點係黑松露，薯條上灑上滿滿既黑松露蓉，味道同誠意都足夠。 Flames (鴻圖道) Flames fb : https://www.facebook.com/profile.php?id=100095336151215 #openrice #西餐 #黑松露 #觀塘美食 #hkfoodies #hkkol #Flames #ufood (此文章由U Blog 同步發佈至社群)