大阪環球影城攻略！保證有用！

去USJ真係要做足資料蒐集先可以玩得暢快，小編用上第一身嘅經驗分享，希望以下資訊都可以幫到各位(⁎⁍̴̛ᴗ⁍̴̛⁎) 🫧幾點到達園區？ 首先買門票之前，記住睇清楚自己係屬於邊一款英文字母嘅高峰時段！因為環球影城係會因應每一日嘅人數去決定開門時間。小編去嘅當日屬《D》官方網站寫8:30開門，但其實7:30已經開俾人入得✨✨！！！足足早咗一個鐘，如果你買咗Early Entry，即係其實7:15已經可以入去。 ✒️所以得出嘅結論係，早過官方網站開門前兩小時到達會比較理想(⁎⁍̴̛ᴗ⁍̴̛⁎)不過園區提早開放嘅時間不定，有時30、45、或者60分鐘喔～不妨等待嘅時候食返份早餐慳得一分一秒！ 🫧路線應該點樣玩？ 如果你冇購入任何嘅快速通行(FP) 小編建議你一定跑咗Mario園區先，因為提早開門（7:30）至官方開門呢段時間，任何人都可以入嚟，冇任何限制，冇任何通行證嘅需要🚗而且排隊時間真係15分鐘內嘅事，建議排隊玩咗庫巴的挑戰書，再去耀西冒險，最後去餐廳排隊等食飯就Perfect！ （Mario園區唔係你想入就入到，一定要有園區通行證，所以一係就俾錢買FP，想慳少少的朋友就一定要早起身呀） 小編嘅情況係買咗四款FP，所以第一步先去荷里活美夢遊，0分鐘排隊玩完再去Mario區玩耀西冒險，再去餐廳排隊等食飯，待下午玩庫巴FP嘅timeslot再二次入園。 接住落嚟嘅路線，就好睇大家嘅興趣，以下係我當日嘅Plan，可以俾大家參考(・ω・)ノ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯ 🏃🏻荷里活美夢遊》耀西冒險 〉 Mario餐廳》排隊大白鯊〉史諾比世界影相》睇巡遊〉FP Minion 〉舊金山園區影相》FP庫巴〉FP 禁忌之旅》FP蜘蛛俠〉紐約區荷里活區影相》排隊貞子過山車〉排隊荷里活4D 電影院 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯ ✒️計啱19:45 行過去買耀西Pancake，因為下晝條隊真係打晒蛇餅，排至少半個鐘，但收舖前只係排左五分鐘就食到(´▽｀) ✒️由於巡遊嘅時間都好長，建議大家係巡遊起點等待，咁就可以睇到晒所有嘅巡遊車，然後就速速閃人再去玩Game！ ✒️夜晚有部份嘅遊樂設施等候時間真係短好多，大家記住查看返Apps入邊嘅等候時間去安排！ ✒️上網好多人都話可以排Single Rider，實試行咗入咁多個機動遊戲，SR條隊的確少好多好多人，不過園區會因應等候時間決定開放SR，太早太少人就未必會開放住啦 。利申小編都係比較喜歡二人世界兩個一齊玩，今次就無排過SR嘅！ 🥸全球嘅環球影城（美國、日本、新加坡）小編其實都已經去晒一次，所以對於園區嘅佈置圖都比較了解，如果各位喺途中唔識路，建議一律問職員！免得行冤枉路啊！ #2023咔嚓#社群時間囊#日本好去處