用心製作絕無添加味精的貴州米線

路過呢間新開張店舖,主打貴州米線及小食,寫住絕無添加味精,湯底採用豬骨淆製而成,非常吸引,決定入去試下😋 🥢牛丸粉$60 講明無添加味精當然要先試個湯底,飲落果然有清香豬骨味,順喉又唔膩👍,叫咗少辣,辣度剛好;牛丸彈牙得嚟又細緻嫩滑,牛肉味濃郁😋 🥢牛展粉$60 牛展唔會太腍,彈牙有口感,呢啲質地我哋超喜歡👍;米線量好多,而且質地好正,滑嘟嘟得嚟又索汁,但又無咁易發漲,問老闆娘點解啲米線比坊間好食咁多,佢話米線係從貴州購買,相比坊間嘅質地一定好食好多👍 🥢涼拌萵筍$30 萵筍切得夠薄身,爽脆好咬 🥢涼拌蓮藕$30 蓮藕爽脆新鮮 以上兩款涼拌小食都拌有花生、辣椒、蒜蓉及蔥,食落濃香唔鹹,辣度剛好,連花生都好新鮮香脆 🥢麻辣小魷魚$50 小魷魚新鮮彈牙,咬開一口爆汁👍,麻辣味香濃,辣度亦剛好 🍵蜜桃烏龍茶 跟餐$12 本以為12蚊跟餐嘅茶只係普普通通一杯,點知係成壺上,好有驚喜,而味道方面烏龍茶真係好香蜜桃味 🍵桂圓紅棗茶 跟餐$12 茶壺裏面有一粒粒桂圓、紅棗及杞子,慢慢浸泡,食完咁有水準嘅貴州米線之後,仲可以嘆返一壺咁健康嘅浸泡茶,正👍 🌶自家製辣椒油 檯面放置咗既辣且香嘅自家製辣椒油,老闆娘誠意之作,非常好味😋 雖然睇落平平無奇嘅一碗粉,但係食落非常有驚喜🤩,從湯底及食材方面都睇得出店家花咗好多心思,因此食到原味道之餘又食到辣香味,同時食完成餐都唔覺油膩及口渴,而且老闆娘非常好客,服務又細心,咁有誠意嘅小店,絕對會再訪 📍黔滋味 太和安慈路2號八號花園第二座地下3號舖 #大埔美食 #貴州菜 #涼拌小吃 #麻辣米線 #太和美食 #黔滋味 #貴州小吃 (此文章由U Blog 同步發佈至社群)

地址
大埔
香港大埔
評分
5/5
nice
👍
下一篇載入中