荔枝角高質和食之選!精美日本風餐廳 - MAKUMA

荔枝角D2 place 附近開咗越來越多餐廳食肆,今次試咗一間門面已經好日式好靚,食物質數幾好嘅Cafe餐廳 - Makuma。Makuma裝修好日式,門口用咗印有Cafe logo 嘅大暖簾布,門窗都係木材質,店外仲設計有木長櫈嘅戶外用餐區。餐廳入面係簡約嘅日式木系風格,好有日本氣氛,放咗好多日本裝飾,好似有一幅好靚嘅神奈川沖浪畫🌊,仲有好多清酒樽做bar枱背景等,真係好靚好多有feel!。 ~ 灸燒慢煮24小時日式叉燒•月見冷烏冬🍜 $148 中午時間去到,見到呢間cafe嘅lunch set 選揀有好多。最後點咗灸燒慢煮24小時嘅日式叉燒同月見冷烏冬。佢個叉燒好有驚喜,表面微微嘅烤過,色澤好靚。📸食落肉質鮮嫩,慢煮令D肉軟腍腍好入味,好好味!冷烏冬上面有隻流心蛋,將佢打爛撈黎食好正,濃濃嘅蛋黃掛滿烏冬,食落夠彈牙,又有蛋味。令外仲有鮮美嘅湯,畀人可以浸住烏冬嚟食,真係好滋味享受!😍🤤 ~ AMERICANO☕️ 午餐包括咗飲品,最後叫咗一杯AMERICANO 消濟😄。咖啡熱辣辣上枱,見到咖啡師有新鮮即刻磨豆沖,香氣十足。🤤飲落咖啡係中深烘焙,咖啡夠濃郁,唔會太苦又有回甘味,好飲。🥰 Makuma 📍荔枝角長義街9號D2 Place ONE地下GO3號舖 推介程度:❤️❤️❤️❤️❤️ #高質#日式#文青#咖啡#D2place#makuma#coffee#cafe#拉麵#烏冬#叉燒#日式叉燒#日本風 #荔枝角#熱門菜式#打卡#攻略#chill#週末#打卡美食#好去處

平均消費
HK$150
地址
Makuma by Ukiyo
G03, G/f, D2 Place, One Lai Chi Kok Rd, Lai Chi Kok, 香港
評分
5/5
下一篇載入中