北上覓食!北上必食湛江烤蠔、燒烤串燒!免費暢飲啤酒!

#MC帶你去深圳 北上飲飲食食,梗係食啲農家菜、川菜,或者今次小編所試嘅 - 串燒。內地嘅串燒鋪真係開到成行成市,五花八門。最重要係價錢平過香港一大截,返到上嚟,叫多幾款串燒嚟食都唔會肉赤。今次食嘅依間都係東門老街,方便食完趕返香港過關㖭。 . ✨ 探唐燒烤 近年係內地積極開分店,連鎖嘅串燒店,相對上,食物質素、衛生控制會比較好啲👍🏻而且探唐燒烤有會員制度,會員福利又多,燒生蠔、燒扇貝、燒海蝦全年半折、每月最後一個星期二更加係免費暢飲指定啤酒等等福利😜 . 🐑 烤羔羊肉串(5串) ¥22.8 羊肉串肥瘦相間,食落有淡淡嘅羊肉味但又唔會羶,甘香美味。 . 🐥 燒雞胗串(5串)¥16.8 雞腎爽脆可口,鮮嫩多汁💦雞腎一定要趁熱食,凍咗就會好韌。 . 🦪 燒湛江生蠔(4隻)¥21.8 燒生蠔係必食嫁啦‼️生蠔大小適中,無多餘嘅調味,只有香蔥同埋蒜蓉🧄食落仲有一絲絲嘅蠔味🤤小編專登唔嗌辣,就係想食下蠔本身嘅味,因為唔新鮮嘅生蠔一定會加大量嘅調味去蓋過腐臭味🫢 . 🦑 燒魷魚鬚串(5串)¥26 依樣就失色咗啲,肉比較瘦削,基本上竹簽同魷魚鬚差唔多Size 😔 ✨ 燒扇貝(6隻)¥18 Size 就坦白講係偏細啲嘅,但數量補返數👌🏻味道正常,嗌咗小辣都唔會搶左海鮮個味。 . ✨ 奪命肥腸(4串)¥19.8 已經切好一舊舊,肥腸滿滿嘅油脂,十分邪惡😈但食落又無太大油膩感。 . 🥬 燒娃娃菜(4串)¥9.8 依間係小編食過咁多間串燒鋪嚟講,燒娃娃菜最唔酸、最好食嘅一間💯 . ✨ 黃金會員福利 - 免費暢飲指定啤酒 咁啱撞正月尾嘅星期二,就真係嗌指定啤酒,1蚊都唔洗比🤣其實佢指定啤酒就包括原漿生啤、喜力星銀250ml等等🍺如果想飲凍啲嘅啤酒,可以飲支裝,相對原漿生啤係凍好多,而且飲完一兩枝可以再落單,再拎過嚟就唔會熱曬😜 . ⭐整體︰8.5/10 ⭐食物︰9.0/10 ⭐環境︰7.5/10 ⭐價錢︰10/10 . 📍 探唐燒烤(東門二店) 地址:深圳深南東路3020-9號 交通︰地鐵1/3號線老街站 C 出口 . #MC #Ming_Course #hkfoodie #週末好去處 #拍拖好去處 #情侶好去處 #福田區美食 #深圳美食 #福田一日遊 #福田好去處 #吃貨 #相機食先 #深圳 #深圳好去處 #深圳餐廳 #探唐燒烤 #東門 #燒烤 #串燒

平均消費
HK$150
地址
羅湖區
中國廣東省深圳市羅湖區
評分
4/5
下一篇載入中