法式異國風情！堅尼地城新海旁Cafe

【法式異國風情！堅尼地城新海旁Cafe｜5 Course Dinner！製作精緻 味道高質】 . #MC帶你去西環 . 依間堅尼地城新開嘅Classy Le Carre，雖然仲試業Soft opening，但夜晚Set Dinner都幾吸引，5道菜都係$478😱所以就小編就行咗入去試一試🙊 . ✨ Classy Le Carré 純白色既外牆，法國風既佈置🇫🇷門口窗口位置簡約，日照時間好適合打卡影相📸 夜晚會將燈光調暗，好適合情侶約會、周年慶祝！ . 🥯 餐前麵包 有三款麵包配自家製沾醬（蒜蓉香草牛油、南瓜醬）。麵包外脆內軟，食落麥味幾香，蘸蒜香牛油十分好食，咸度啱啱好😉 . 🍽️ 是日特選拼盤 有海蝦🍤同埋大蜆🥠個蝦咬落好彈牙仲要剝埋殼，啱曬我啲懶人😂 大蜆無沙仲要掛曬汁咁👍🏻 . 🫕 法式海龍王湯 依個啱曬女仔嚟打卡📸上枱之後先加湯。飲落好濃郁海鮮味，仲有配料帶子、魷魚、元貝仔咁😋 . 🍽️ 北海道頂級2L刺身帶子 帶子配上紅酒泡沫🫧賣相精緻，帶子肉質厚嫩，味道鮮甜，無多餘嘅調味，幾好食👍🏻 . 🍝 炭燒牛骨髓意大利闊麵 牛骨髓成枝上，真係好震撼😱上面都係啲牛面肉，可以就咁食或者撈勻個麵一齊食。建議食咗一淡先，試咗個炭燒牛味先🤤個闊麵就咁食都好有味😝 . 🍮 62%馬卡埃巴西朱古力心太軟 一切開朱古力就流曬出嚟💦流心效果唔錯，朱古力甜度適中，口感順滑👌🏻 . ✨ 環境 店內裝修都十分用心，以白色為主配以綠色相襯，再加上竹藤凳🪑設計大氣舒服☺️ . ✨ 總結 $500都唔洗有5道菜，食物質素好，仲要環境裝潢精緻，係試業中未有酒類飲品，失色咗啲🫢 . ⭐整體︰9.0/10 ⭐食物︰8.5/10 ⭐環境︰9.5/10 ⭐價錢︰9.0/10 . 📍 Classy Le Carré (西環) @classybistrohk 地址︰西環堅尼地城新海旁1B-1C號同發大樓地下A-E號舖 交通︰港鐵堅尼地城站B出口 . #MC #Ming_Course #週末好去處 #拍拖好去處 #情侶好去處 #香港小店 #堅尼地城美食 #西環美食 #西環一日遊 #西環好去處 #香港美食 #香港美食打卡 #香港美食攻略 #香港探店 #本地遊 #香港一日遊 #香港好去處 #堅尼地城 #西環 #Cafe #咖啡拉花 #西餐