【🥣茶館手工芋圓🍡】

超愛食芋頭嘅我點會錯過芋圓同芋泥哩啲美食😋 經過黃埔偶然見到哩間芋圓甜品專門店，梗係要試吓啦！ 👑椰汁雪燕三寶 $45 香滑椰汁底，配埋大大份幼滑芋泥，雪燕份量都唔少，芋圓煙韌有咬口，啖啖都有多種材料，每啖都品嚐到濃濃嘅芋頭味，啱哂我哩個芋頭迷💜 ✨川貝麥冬陳皮燉雪梨 $38 川貝化痰清熱、潤肺止咳；麥冬亦同樣有潤肺嘅功效；陳皮化痰止咳；雪梨仲可以清熱化痰。潤喉滋潤嘅糖水一定要揀熱食，食一啖就知道好足料，雖然川貝同麥冬都帶微微苦味，但加咗甘甜嘅陳皮同雪梨就中和返哂，最近哩啲天氣就好啱飲，可以潤肺潤喉👍🏻 🔍整體感覺：店內用餐限時30分鐘，先付款後食用。餐廳唔係好大，但裝修簡約，環境乾淨，感覺都好舒適。職員服務態度友善客氣，食物質量更加優秀，性價比好高，一定要再encore😆 ─ ─ ─ ─ ─ ─ ─ ─ ─ ─ ─ ─ 美味：👅👅👅👅 環境：🪑🪑🪑🪑 服務：🤵🏻‍♀️🤵🏻‍♀️🤵🏻‍♀️🤵🏻‍♀️ 價錢：💰💰💰💰 推介：☀️☀️☀️☀️🌤 #我想試食蛋糕