舒適輕鬆 法國小酒館

餐廳環境寬敞闊落，用上木系餐枱、紅色坐墊藤椅以及紅色梳化，而牆壁則掛滿寫實與藝術的掛畫🖼，並配合輕快悅耳嘅音樂🎶， 使人好放鬆舒服 🥖坐下無幾耐已奉上法包並配上自家製番茜紅洋蔥牛油，牛油香嘅同時亦食到番茜及紅洋蔥嘅原味道，配上法包一齊食超好味 🍽Pissaladière自製佛卡夏麵包$128 焦糖洋蔥煮得綿腍甜香，配合鹹鮮香嘅鯷魚以及爽口酸鹹嘅橄欖，味道互相平衡，並配合口感鬆軟嘅focaccia，整體口味獨特又好味😋 🍽Haricots verts sautes$88 法邊豆脆口清甜，新鮮蘑菇口感清爽，並灑上炒香咗嘅松子仁，清新配搭，食出原味道 🍽Carpaccio de thon$138 食前唧一下青檸角，使得醬汁微辣中帶少少酸，醬汁內有洋蔥碎、紅辣椒碎、青蔥及炸水瓜子，味道帶點泰式風情，配合鮪魚刺身一齊食，超正👍 🍽Joue de boeuf confite au vin rouge紅酒煨牛頰肉$268 紅酒汁非常濃郁，牛頰肉入味又嫩腍，而且牛味亦香濃，同時伴上creamy薯蓉及新鮮甘筍仔 🧁Pavlova aux Fruits de Saison$108 面層蛋白餅甜香脆口，繼而係綿滑濃甜嘅奶油，還有的是無人能抗拒嘅雲呢拿雪糕，最下層係香梨果醬，係一道層次豐富嘅甜品 要提一提佢哋嘅服務態度非常好，有熱誠而又充滿陽光氣息，令到餐廳充滿歡樂氣氛🥰 📍Nissa la Bella (差館上街) 上環差館上街10-14號地舖 #小酒館 #上環美食 #紅酒燴牛面頰 #法國料理 #蛋白餅 #打卡美食 #Nissa la Bella #洋蔥塔 (此文章由U Blog 同步發佈至社群)