由布院之森

上JR網站買火車票及預訂座位，去程「由布院之森3號」(早上10點25分由博多車站出發)竟然仲有位！真係好彩！ 車程大約2小時10幾分鐘， 想睇風景嘅話我覺得訂C或D位係最正，沿途有職員開咪介紹地點特色。所以想休息瞓吓覺都幾難😂 我被安排坐3號車廂路口位(C)。上車前先發覺原來2號車廂係提供餐飲外賣及售賣紀念品的地方。心知開車後一定會好擠迫，趁開車前周圍打卡留念。 其實好多人預早一個月前訂定車票及劃位，我就到出發前3星期先記得上網買來回由布院嘅車票。如果要有購票攻略嘅話我覺得安排weekday去容易啲買到「由布院之森」車票囉。 #秋日推介