澳門美食-雞蛋仔

事隔8年後再到訪澳門，發現以前跟現在既澳門美食好像有了變化，除左豬扒包和葡撻無變之外，以前黎澳門啲人會推薦食雪糕三文治，魚翅撈飯等等，但今次黎澳門更多人推薦/販賣牛雜，雞蛋仔。今次我就試左2間較多人推薦既雞蛋仔。第一間是”澤賢記”，我試左原味葡撻餡，外脆內軟，每一粒雞蛋仔都有葡撻，如甜多一些些會更好。另外一間是”鐵餅號”的抹茶麻薯，抹茶味十分香，麻薯份量亦足夠，唯雞蛋仔略為不足脆口。2間雞蛋店各有特色，如行經附近可一試。不過要注意2間店既等候時間都需要15分鐘以上。#全民打卡企劃