指定意粉半價優惠

其實我一直都冇留意agnès b. Café嘅熱食，因為每次去都係飲杯咖啡食件蛋糕。直到最近老人家狂推薦呢度嘅意粉(因為信用卡有半價優惠) 我先至去呢間餐廳食意粉。我只係知道用大頭AE 卡於某幾間分店購買指定意粉有半價優惠。當日我哋4個人就叫咗兩款指定可享有優惠嘅意粉 (總共係4碟囉)，4件蛋糕同埋4杯飲品。蛋糕及飲品都係有優惠嘅，至於係點買先有優惠呢，就真係只有老人家佢哋最清楚喇😂😂 每份linguine 原價HKD128，半價後HKD64係抵食嘅。我食蜆肉意粉，啲蜆肉質素唔錯，都幾新鮮。意粉彈牙，味道就淡咗啲。至於蛋糕呢….味道好甜，唔係我杯茶😅😅 4碟意粉、4件蛋糕、4杯飲品埋單總共$458。老人家覺得好抵食，大家有興趣嘅話可以研究一下AE個promotion😂😂😂