人氣日式沾烏冬！晚市7點半已截龍，人龍排到去街尾

#MC帶你去佐敦 . 佐敦依間嘅烏冬小店，比佢門口日式門簾布嘅大大個肉掌吸引咗😍 . ✨ 肉肉うどん 行日系簡約格調，裝潢以木系質料為主🪵簡潔舒服，而且每張櫈下面都可以擺放手袋🪑就算店鋪空間細，用餐體驗都舒舒服服。 . 🫕 薯仔忌廉咖喱烏冬（套餐） $118 賣相十分得意、吸引，大大個肉掌喺忌廉醬上面，下面喺咖喱撈烏冬，咖喱味十分濃郁😋但唔係好辣個隻，係日式偏甜，同濃稠嘅忌廉醬好夾👍🏻所以烏冬十分掛汁，每一淡都食到濃濃嘅香甜忌廉咖喱。但薯仔粒數量唔多，不過食完都有啲飽膩感🫢 . 🍜 火炙壽喜燒牛肉沾烏冬（套餐） $138 壽喜燒湯汁配有冬菇片、大蔥、油揚豆腐條，湯底唔算好咸；火炙燒牛肉🥩燒到半熟的牛肉呈微微粉紅色，肉質軟嫩帶油香；烏冬沾壽喜燒湯汁，食落味道清甜🤤坦白講烏冬唔太掛汁，無乜湯汁嘅情況下，味道會偏淡，建議用匙羹輔助🥄 . ✨ （套餐小食）厚切吉列黑豚腩 / 厚切吉列豚肩 兩者炸粉唔會過多，入口酥脆，外脆內軟☺️豚肩肉質較厚實、肉味濃郁；豚腩肉質較柔嫩、油脂較香。 . ✨ 竹輪天婦羅（2件） $18 天婦羅嘅炸粉比吉列更薄😱就算唔蘸醬汁，就咁食都好好食，食落肉質鬆軟，大大條竹輪過足口瘾😜 . ✨ 總結 雖然用餐時間45分鐘，但出餐好快，一定夠時間進食。另外，晚市想嚟食嘅朋友要留意，閒日差唔多7點15分-30分就會截龍，視乎輪候情況。小編星期一6點半排隊拎飛，7點入座，7點15分已經截龍，出面有40張飛等緊，真係好誇張😥 . ⭐整體︰8.5/10 ⭐食物︰8.5/10 ⭐環境︰8.0/10 ⭐價錢︰9.0/10 . 📍 肉肉烏冬 Niku Niku Udon (佐敦) 地址：佐敦白加士街1-11號康寧大廈地下C號舖 交通︰港鐵佐敦站 C2 出口 . #Ming_Course #hkfoodie #foodiehk #hkfood #hkfoodblogger #hongkongfoodies #hongkongfoodie #hongkongfood #週末好去處 #拍拖好去處 #情侶好去處 #香港小店 #油尖旺區美食 #佐敦美食 #佐敦一日遊 #佐敦好去處 #香港美食 #香港美食打卡 #香港美食攻略 #香港探店 #本地遊 #香港一日遊 #香港好去處 #佐敦 #肉肉烏冬 #日本菜 #烏冬